1. Skip to Menu
  2. Skip to Content
  3. Skip to Footer>

PDF Print E-mail

User Rating: / 0
PoorBest 

 

."NAMAZ E QIFAAL KI HAQEEQAT"

Bismillah hir rahmanir raheem !!¤

1 Din 1 taleem yaafta nojawaan 2 , 3 kitabain lay ker aaya or mujh say puchnay laga k aap kabhi Mehmood koot k eilaaqa'h may munazra'h kay liye bhi gaye tha ???

May [[Muhammad amin safdar okarvi]] nay kaha haan 1 dafa'a basti kadna jana huwa . Germuqallideen nay wada'h kiya tha k hum jo namaz rozana pardhtay hain isky mukammal tarteeb or aehkaam k kis FAEL ya ZIKER karkay chordenay say namaz toot jati hay ??? Kis kay rehnay say sijda'h sahu laazim aata hay ??? Konsa Ziker auncha pardhna Sunnat hay or konsa Aahista'h wagera , sirf Quran o Hadees kay Tarjumay say dikhayain gay . Ager hamaray manazir nay kisi jaga'h bhi Quran o Hadees kay bajaaye kisi ummati ki Baat pesh ki ya koi apna Qiyas pesh kiya to hum apnay manazir ko forun Munaziray say rok day gay kiyo kay wo ahlehadees nahi raha , apni ya kisi ki raye bayan karnay kay ba'ad wo Ahlulraye hogaya or hum ye maslak chorday gay kiyo kay hum jhotay ahlehadees nahi rehna chahtay . Ye namaz jo aehm rukn hay jiska qiyamat kay din sub say pehlay hisaab hona hay ye bhi hadees say SABIT na karsakay to ahlehadees kesay ??? Mager inkay ulma'a nay apni roz marra'h wali namaz sirf Quran o Hadees kay tarjumay say SABIT karnay say inkaar karkay ye wazeh kardiya k wo apnay Dawa'h Ahlehadees may sachay nahi balkay is say Rahe faraar ka riwayati tareeqa'h ikhtiyar kiya k hum sirf Fatiha'h Khalful imam per MUNAZIRA'H karay gay . Hum [[Ahle Sunnat Wal Jama'at Ahnaf]] nay kaha k phir ye likh ker dain k FATIHA'H KHALFUL IMAM kay eilawa'h Ahnaf ki sary Namaz sahi hay or is kay ye SABIT kardain k Aanhazrat Sallallahu Alahi Wasallam nay apni Zindagi mubarak ki AAKHRI NAMAZ jo Hazrat Abu Baker Siddique Razi Allahu Aunhu kay pechay pardhi thi is may Aap Sallallahu Alahi Wasallam nay Hazrat Abu Baker Siddique Razi Allahu Aunhu kay pechay FATIHA'H pardhi thi mager wo ye 2ono batain sabit na karsakay. Is [[Nojawaan]] nay kaha k ye 1 Risala'h hay is may to ye likha hay k Amin Sahab kehnay lagay : APNI MUKAMMAL NAMAZ SABIT KARO . May [[Muhammad amin safdar okarvi]] nay kaha : k kya ye bhi likha hay k hum nay MUKAMMAL NAMAZ sabit kardi ??? Or is ki Cassettain moujood hain ??? Kehnay laga : nahin .

May [[Muhammad amin safdar okarvi]] nay pucha k ba'ad may waha say bhaag ker jo Risaala'h likha is may MUKAMMAL NAMAZ SABIT kardi hay ??? Kehnay laga nahi .

May [[Muhammad amin safdar okarvi]] nay kaha k jub kayi jaga'h kay Tajarbay [[Experience]] kay ba'ad ye kaamil yaqeen hogaya k ye loog apni Namaz bhi Quran o Sunnat say SABIT nahi karsaktay to may nay wo Sawalaat 1 Risaala'h

"GERMUQALLIDEEN KI GER MUSTANAD NAMAZ"

may shayi kardiye is risalay ko chapay huwe bhi kayi saal hogaye hain mager in sawaalaat ka jawaab na kisi MUNAZIRAY may tape karasakay , na kisi kitab may Jawaab day kar apni MUKAMMAL NAMAZ SABIT karsakay ¤

RISAALA'H "GERMUQALLIDEEN KI GER MUSTANAD NAMAZ"

milay gay sath duao may yaad rakhay Jazakallah ¤

Is [[Nojawaan]] nay kaha k 2 , 3 Risaalay may laya ho is may HANFI NAMAZ ka ajeeb o gareeb naqsha may kiye gaye sawalaat inshaallah ye bhi note ki shikal may jald say jald apko pardhnay ko khencha hay . May [[Muhammad amin safdar okarvi]] nay kaha k ye Tareeqa'h kisi HANFI KITAB kay hawalay say likha hay ??? Kiyo kay Ahnaf ki her kitab may Baab hota hay , NAMAZ ada karnay ka tareeqa'h . Ager HANFI KITAB say likha hay to PURA tareeqa'h likha hay ya Naqal may khiyanat ki hay ???

Wo [[Nojawaan]] kehnay laga k HANFI KITAB say to nahy SHAFIYOON ki kitab kay hawalay say likha hay . May [[Muhammad amin safdar okarvi]] nay kaha Aap hi Fesla'h farmayain k HANFI NAMAZ darsan or amlan mutawatir hay . Duniya bhar may Hanfi rozana 5 martaba'h Namaz pardhtay hain , is tareeqa'yh per ap nay kisi 1 hi MASJID may kisi 1 hi HANFI ko Namaz pardhtay dekha ??? Is [[Nojawaan]] nay kaha nahi kisi ko bhi nahi dekha . May [[Muhammad amin safdar okarvi]] nay kaha k jis tarah MUTAWAATIR QURAN PAAK kay khilaaf kisi Sunni kitab may bhi koi Qira'at ho to wo SHAAZ or Matrook kehlati hay . Isy tarah hamaqi MUTAWAATIR NAMAZ kay khilaaf Bil-Farz kisi HANFI KITAB may bhi koi SHAAZ o MATROOK qoul milay to wo Hujjat nay Che'h-jaika'h HANFI KITABOON kay bajaye SHAFIYOON ki KITAB say koi Be-sanad baat Naqel karay ¤

Ye Loog apni NAMAZ ko SABIT nahi karsaktay or HANFI MUTAWAATIR NAMAZ kay khilaaf Shawafe'yh ki kitaboon say Be-sanad jhotay Qissay naqal karna hi shikast khurda zehniyat hay

Is per wo Sahab zara Chamak pardhay k ye Tabsara Aam Aadmi ka nahi IMAM GAZALI ka hay . May [[Muhammad Amin Safdar Okarvi]] nay kaha k apko GAZALI kay LAFZ say Galat Fehmi lagi ¤

Sheikhul Shafiya'h Allama Ibne Hijr Makki [[973 Hijri]] apni KITAB may likhtay hain k HAZRAT IMAM AZAM ABU HANIFA REHMAHULLAH kay khilaaf jo KITAB GAZALI kay naam say hay wo HUJJATUL ISLAM IMAM GAZALI SHAFAYI REHMAHULLAH ki nahy jin ka naam MUHAMMAD hay balkay Mehmood naami GAZALI ki hay jo Mutazaly hay

[[AL Kheratul Ahsan Page 4]]

jub isay ye hawala'h dikhaya to wo soch may pardh gaya . May nay kaha 1 baat or bhi yaad rakhay k IMAM GAZALI SHAFAYI bhi Ma'aqool kay IMAM hain lekin Manqoolaat kay baray may IMAM ZEHBI REHMAHULLAH Farmatay hain k dekho "Ahyaul Uloom" may bkasrat gardhy huwe riwayaat hain ¤

[[Mezanul Aetidaal Jild 1 Page 431]]

jub wo Ahadees e Nabawiya'h ki puri Tehqeeq na karsakay or Mouzuaat say kitaab bhardy to AHNAAF kay baray may wo kiya Tehqeeq karsaktay hain . Is nay kaha k may to 1 , 1 baat samajhna chahta hoon chuncha isnay TALIB ZAIDI ki kitab Altehqeeq Fi Maslahu Rafaul yadain pardhni shuro ki ¤

NUMBER 01

"SULTAN MEHMOOD , IMAM ABU HANIFA'H KAY MAZHAB PER THA " ¤

May [[Muhammad Amin Safdar Okarvi]] nay kaha ye Baat to Ahnaaf or Shawafe'yh 2ono nay Muttafiqa'h toor per maan ly k Sultan Mehmood Gaznavi Hanfi thay or HANFI FIQAH kay bohot bardhay Aalim thay k HANFI FIQA'H per Baqaida'h 1 kitab tehreer farmayi thy jis ka naam "KITAB UL TAFREED" tha.

[[Muqaddima'h Kitab ul Taleem Page 281 Imam Masood bin sheba'h]]

inky pedayish 369 hijri may hay or inho nay Hindustaan per 17 Hamlay [[ATTACK]] kiye or Hindustaan ko Fata'h kiya or ye Haqeeqat hay k Sindh say agay Hind may inhy kay Zariye Islam phela or jo Log bhi Eimaan laye wo HANFI hi banay . Chunacha'h Nawab Siddique Hasan Khan Sahab likhtay hain "Khulasa Haal Hindustaan kay Musalmanoon ka ye hay k jub say yaha ISLAM aaya hay chunkay aksar Loog Baadshahoon kay Tareeqah or Mazhab ko pasand kartay hain . Isy waqt say aaj tak HANFI MAZHAB per Qayim rahay hain or isy MAZHAB kay Aalim or Faazil , Qaazi or Mufti or Haakim hotay rahay hain¤

[[Tarjuman e Wahabiyaah Page 3]]

isy Dour may SHIEKH MUHAMMAD ISMAIL MUHADDIS LAHORI jo bukhara kay Sadaat e Auzzaam may say thay , SULTAN MEHMOOD GAZNAVI kay Waqat e Awaakhir 395 Hijri may Shehar Lahore may Aaker sakoont Pazeer huwe . Apnay waqt kay Uloom Fiqa'h o Hadees o Tafseer may IMAM or JAME-ULOOM Zahiri o Baatni thay . Waaizaan e Ahle Islam may say Aap hy sub say pehlay Lahore may Tashreef laye or Ap kay Waaiz o Nasahey ki Taseer say HAZAAROON kuffar musharraf ba-islam huwe yaha tak k jo shukhsh ap ky Majlis e Waaiz may Haazir hota Ba-gair KALIMA'H TOUHEED pardhay waapis na jata . Aap 448 hijri may fout huwe.

[[Hadayiq ul Hanfiya'h Page 221]] ¤

Isy Dour may SHEIKH ALI bin USMAN GAZNAVI HIJVERI AL-MAROOF DATA GANJ BUKHSH REHMAHULLAH ka lahore may warood masood huwa . Batour Tabarruk apki kitab

"MUSTABUL KASHFUL MAHJOOB"

say 2 , 3 batain likhta hoon . HAZRAT likhtay hain: "HAZRAT IMAM ABU HANIFA'H REHMAHULLAH farmatay hain k jub HAZRAT NOUFAL bin HAYAAN nay wafaat paayi to may nay khuwab dekha k Qiyaamat bpaa hay or tamam loog hisaab gaah may khardhay hain . May nay PEGAMBER SALALLAHU ALAHI WASALLAM ko dekha k HOZ E KOUSER k kinaray khardhay hain or AAP SALALLAHU ALAHI WASALLAM kay daaye baaye bohot say mashayikh khardhay hain or 1 naik soorat bordhay shukhsh ko dekha jis nay apnay sir kay safaid baal chordh rakhay thay or apnay Rukhsaar ko PEGAMBER SALALLAHU ALAHI WASALLAM kay Rukhsaar per rakhay huwe tha or in kay braber may HAZRAT NOUFAL REHMAHULLAH ko dekha . Jub unho nay mujhay dekha to meri taraf aaye or mujhay salaam kiya . May nay kaha mujhay pani dijiye . Inho nay farmaya may HUZOOR SALALLAHU ALAHI WASALLAM say ijaazat maangta hoon . HUZOOR SALALLAHU ALAHI WASALLAM nay apni aungly mubarak say ishara farmaya k pani day do to unho nay mujhay pani diya . May nay piyala'yh say khud bhi piya or apnay sathiyo ko bhi pilayaa lekin is piyalay'h may say kabhi bhi kam na huwa may nay pucha aey NOUFAL!! PEGAMBER ALAHIS SALAAM kay dahinay jaanib bordhay buzrug koun hay ? Ap nay jawab diya k wo HAZRAT IBRAHEEM KHALEEL SALAWAT UL ALAA NABI'IYNA WA'ALAHIS SALAAM hain aur apkay bayee janib HAZRAT ABU BAKAR SIDDIQUE RAZI ALLAHU AUNHU hain . Isy tarah may puchta jata yaha tak kay 17 Aadmiyoon kay mutalliq menay daryaaft kiya . Jub may bedaar huwa to meray hath per 17 ka adad gira'h kiya huwa tha or HAZRAT YAHYA bin MAAZ farmatay hain 1 dafa menay PEGAMBER ALAHIS SALAAM ko khuwaab may dekha to apki khidmat may arz kiya YA-RASOLULLAH SALALLAHU ALAHI WASALLAM!! may AAP ko kaha talaash karo? To AAP SALALLAHU ALAHI WASALLAM nay farmaya: ABU HANIFA'H kay ILM kay paas mujhay TALAASH karo .¤

May [[ALI bin USMAN]] Mulk Shaam may Muazzan e RASOOLULLAH SALALLAHU ALAHI WASALLAM HAZRAT BILAL RAZI ALLAHU AUNHU kay Roza'h mubarak per soraha tha k khuwab ki haalat may apnay aap ko Makkah Mukarma'h may moujood paya or dekha k PEGAMBER SALALLAHU ALAHI WASALLAM baab bani SHEEBA'H say ander tashreef laye or 1 bordhay Shukhsh ko is tarah bagul may lay rakha tha jis tarah shafqat say bachoon ko bagul may letay hain . May dourdhker Aap SALALLAHU ALAHI WASALLAM kay saamnay gaya or apkay paaon mubarak ki pusht per Boosa diya or may is ta'ajjub may tha k ye bordhay buzrug kon hain ? K AANHAZRAT SALALLAHU ALAHI WASALLAM Moajiza'h kay tor per meray Baatin or Meri soch per Muttala'a hogaye or mujh say farmaya k ye tumharay mulk kay Musalmaanoon kay IMAM ABU HANIFA'H hain [[REHMAHULLAH]]. Mujhay or meray hum watnoon ko is khuwaab may apnay IMAM ko HUZOOR ALAHIS SALATU WASSALAAM kay pehlo may dekh ker bardhi umeed huwe or isy KHUWAAB say mujh per ye bhi wazeh huwa k Hamaray IMAM [[ABU HANIFA REHMAHULLAH]] in buland martab logoon may say hay to Aosaaf e Taba'a say Faani or Aehkam e Shariyat say Baaqi or Shariyat kay sath Qayim hain isliye k Aosaaf e Taba'a say aap ko nikaal ker lay janay walay khud PEGAMBER SALALLAHU ALAHI WASALLAM hi hain . ¤

Is say Qabel likhtay hain 1 Raat Aap [[IMAM SAHAB REHMAHULLAH]] nay Khuwaab dekha k Aap PEGAMBER SALALLAHU ALAHI WASALLAM ki MUBARAK HADDIYOON ko Aap SALALLAHU ALAHI WASALLAM ki QABER MUNAWWAR may ikhatta karrahay hain aur insay Baaz ko Baaz say chun rahay hain . Aap is Khuwaab ki hebat say bedaar huwe or IMAM MUHAMMAD bin SEREEN REHMAHULLAH kay Ashaab may say 1 kay paas jaaker is KHUWAAB ki Taabeer daryaaft ki . Inhoon nay Taabeer bayan ki k Aap PEGAMBER SALALLAHU ALAHI WASALLAM kay ULOOM E NUBUWWAT aur AAP SALALLAHU ALAHI WASALLAM ki Sunnat ki hifazat may bardhay buland Martaba'h o Maqaam per pohnchay gay or is may puri Maharat haasil karkay SAHI AHADEES ko ZAEEF AHADEES say juda karay gay . Aap [[IMAM ABU HANIFA'H REHMAHULLAH]] nay phir dubara Khuwaab may PEGAMBER SALALLAHU ALAHI WASALLAM ki ziyaarat ki k AAP SALALLAHU ALAHI WASALLAM farmatay hain Aey ABU HANIFA'H !! ALLAH TAA'LA nay tumhari zindagi ko Meri Sunnat kay Zinda karnay kay liye banaya hay

[[KASHFUL MAHJOOB Page 141]]

goya dusray Khuwaab may pehlay khuwaab ki Taa'beer khud HAZRAT SALALLAHU ALAHI WASALLAM nay irshaad farmadi . In Mubashiraat say ye bhi pata chala k is Mulk kay Imam , IMAM ABU HANIFA'H REHMAHULLAH hi hain . Chunacha'h HAZRAT DATA SAHAB REHMAHULLAH ki mehnat say jo ISLAM Hind may phela hay wo HANFI Tareeqa'h hi hain or is Waqt say Angrez ki Aamad tak Lahore or baaqi Hindustan may sirf HANFI MASAAJID ka hi ziker milta hay . Angrez kay dour may Lahore may GERMUQALLIDEEN ki pehli Masjid Cheniyawali bani . Is say pehlay is Firqay ka Naam o Nishaan ka koi pata nahi milta .¤

NUMBER 02

IS NOUJAWAAN NAY PARDHA K

[[SULTAN MEHMOOD GAZNAVI]]

"AuR ILM E HADEES ki HIRS RAKHTA tha MASHAYIKH say HADEES Sunta or Istifsaar kiya karta tha pas aksar AHADEES ko is nay SHAFAYI mazhab kay paaya"¤

ye 1 Be-sanad baat hay thordhi si wazaahat HADEES SHAREEF say arz karta hoon !! BUKHARI o MUSLIM may HADEES hay AANHAZRAT SALALLAHU ALAHI WASALLAM nay 1 Lashkar ko Banu Qureza'h ki taraf rawana farmaya or bardhi takeed say farmaya k ASAR ki NAMAZ hergiz na pardhna Mager Bani Qureza'h kay rastay may jub ASAR ka waqt hogaya to in SAHABA RAZI ALLAHU AUNHUM may ikhtelaaf hogaya .

1 Giroo'h kehta tha k jub Quran may kulliya'h Qaida'h agaya hay k beshuk Namaz apnay Waqt per Farz hay is liye hamain Namaz rastay may pardh leni chahiye . Hadees ka matlab ye tha k tum ASAR tak Banu Qureza'h ponhch jana , ab hum nahy pohhch saktay to Namaz kiyo Qaza'a karay chunach unho nay rastay may Namaz ada karli ¤

Dusray Fareeq nay kaha k Kulliya'h barhaq hay mager aaj ki Namaz ko AAP SALALLAHU ALAHI WASALLAM nay is Kulliya'h say Mustasna farmadiya hay chunacha'h inhoon nay Namaz Qaza'a karkay pardhi ¤

Jub AANHAZRAT SALALLAHU ALAHI WASALLAM nay ye suna to kisi Fareeq per bhi Naraaz na huwe . Taqreeban yahi Farq IMAM ABU HANIFA'H REHMAHULLAH or IMAM SHAFAYI REHMAHULLAH may hay . IMAM ABU HANIFA'H REHMAHULLAH kulliyaat ki hifaazat farmatay hain or juziyaat ki Taweel farmaletain hain jesa pehlay giroo'h nay kiya . IMAM SHAFAYI REHMAHULLAH Dusray Giroo'h ki tarah Juziya'h ko barqaraar rakhtay hain or Kulliya'h say Mustasna karletay hain is liye jahaan IMAM SHAFAYI REHMAHULLAH kay paas Hadees ka juziya'h hota hay IMAM ABU HANIFA'H REHMAHULLAH kay paas Quran paak ka kulliya'h hota hay . Kisi kay paas bhi QURAN o HADEES kay khilaaf apni raye nahi hoti . Chunacha'h HAFIZ ibne HIJER SHAWAF'E may Hadees o Fiqa'h kay Wasiul Nazer Aalim hain . Wo khud apni Kitab

"ALMAJMA UL MOSAS"

may likhtay hain : may aksar Hanfiyoon sax kehta rehta hoon k meri KHUWAHISH hay KAASH may Tumharay MAZHAB per hota ? Inhoon nay kaha Kiyoon ? May kehta K Aap kay MAZHAB may Firo'o Ausoloon per mabni hain

[[ZAIL TAZKIRA'TH PAGE 328]]

ye HAFIZ ibne HIJER REHMAHULLAH kay Mutaalla'h ka nichordh hay or HAFIZ ibne HIJER REHMAHULLAH kay IMAM [[IMAM SHAFAYI REHMAHULLAH]] bhi yahi Farmaya kartay thay k sub loog FIQA'H may IMAM ABU HANIFA'H REHMAHULLAH kay Ayaal hain . PHIR IS NOUJAWAAN NAY PARDHA ¤

NUMBER 03

[[SULTAN MEHMOOD GAZNAVI]]

"Pus isnay FUQAH'A ko Jama'a kiya or in say 1 Mazhab kay dusray Mazhab per TARJEEH ka Matalla'h kiya to is BAAT per sub ka ITTEFAAQ huwa k dono MAZAAHIB kay MUWAAFIQ 2 , 2 Raka'at NAMAZ pardhni chahiye pas is NAMAZ may Nazer o Fikar karkay jo MAZHAB Acha Maloom ho is ko ikhtiyaar karna chahiye" ¤

is Be-sanad Qissay say bhi ye Maloom huwa k DEEN Fuqaha'a say sekhna chahiye isy liye Fuqaha'ha ko IKHATTA kiya gaya or ye bhi Maloom huwa k SULTAN or Tamaam Fuqaha'h HANFI o SHAFAYI ikhtilaaf ko Raje'h Marjooh ka ikhtelaaf mantay thay is liye wo Tarjeeh kay Taalib thay wo GERMUQALLIDO ki tarah is ko HAQ o BATIL ka Ikhtilaaf nahi samajhtay thay .¤

[[[[ NUMBER 04 ]]]]

"Pas Qifaal Marozi nay Namaz pardhna shoru'o ki" Qifaal Marozi ki Tareeki wafaat may sukht ikhtelaaf hay . IMAM MASOOD bin Sheeba'h nay 3 Qoul naqal farmaye hain ¤

Number [[01]]

369 hijri , ye SULTAN MEHMOOD ki Pedayish ka SAAL hay ¤

Number [[02]]

371 hijri , is waqt SULTAN MEHMOOD ki umar 2 SAAL hogi ¤

Number [[03]]

417 hijri , is waqt umar 48 Saal ki hogi mager ye Qoul bilkul galat maloom hota hay kiyonkay Tareekhoon may Wafaat kay Saal may 1 , 2 Saal ka Farq to hota hay Nifs Sadi ka Farq kabhi nahi hosakta pehlay 2 Qoul yaqenan is Qissay kay Jaali Banawati or Jhoota honay ki Daleel hain ¤

Teesra Qoul mehaz is Jhoot ko Be-saakhi denay kay liye Gardha gaya hay . Ye Jaali Qissa'h kisi HANFI KITAB may to hay hi nahi or kisi SHAFAYI KITAAB may is ki koi Sahi sanad nahi ¤

Dameeri 808 hijri Taqreeban Qifaal say 450 saal baad ka hay is nay bhi BE-sanad likha hay or "MUGISUL KHALQ" may bhi "Ruwiya Majhool" ka seega'h hay ¤

[[[[ NUMBER 05 ]]]]

"Pehlay is nay SHAFAYI NAMAZ pardhi jiskay ARKAAN HAYYIAAT , SUNNATAIN , FARZ aur AADAAB ko Bawaja'h kamaal ada kiya" ¤

is say maloom huwa k IMAM SHAFAYI REHMAHULLAH kay haan Balkay FIQAH ALAA MAZAAHIB E ARBA'H dekhnay say wazeh hota hay k charoon MAZAAHIB ka Ittefaaq aur Ijma'a hay k AFAAL E NAMAZ aur AZKAAR may Darja'h bandi hay , Baaz Farayiz hain Baaz Sunnatain , Baaz Aadaab , Baaz Hayyiaat wagera'h ¤

iski Misaal yoon samjhay k Insani Jisam ba Tamaam o Kamaal Allah nay hi Peda farmaya hay mager is kay Aazaa'a may darja bandi hay . Maslen Dil , Dimaag bhi Aazaa'a hain inkay nikaal denay say Insaan Zinda nahi rehsakta , isy tarah NAMAZ ka koi FARZ rehjaye to siray say NAMAZ ka wajood hi nahi hota or ager Haath Paoon kaat diye jayain ya Naak kaat di jaye to wajood to hay , Zinda bhi hay lekin ye Aadmi Naaqis hay . Yahi misaal is NAMAZ ki hay jis may Wajibaat Tark kardiye jaye lekin Haath hay , Taang hay Mager Loola Langrdha hay ¤

ye Misaal is NAMAZ ki hay jis may Sunnatain chordi jaye or Baaz cheezain Mustahab hoti hain in ka Wajood e Namaz say Talluq nahi hota albata NAMAZ khubsoorat banjati hay jesay Zaib o Zeenat , is Darja bandi per Ahle Sunnat ka Ijma'a hay lekin TALIB ZAIDI is Ijma'a ka Munkar hay ¤

chunacha likhta hay "Sub say bardhi kharabi jis nay NAMAZ jesi aehm eibadat ka huliya bigardh kar rakh diya wo NAMAZ kay Afaal ki Taqseem thi k kon sa Fael Farz hay , Kon sa Wajib , Kon sa Sunnat , Kon sa Mustahab . Logoon nay susti say Farz Fael ko ada kiya or Baqi Afaal say chutti ki kiyonkay Baqoul Naam nihaad Faqihoon kay NAMAZ Farz Afaal kay adaa karnay say hojati hay"¤

[[AL TEHQEEQ PAGE 209]]

Zaidi nay Ijma'a ka inkaar bhi kardiya Halaankay Ijma'a ka Munkar Ba-nas KITAB o SUNNAT Dozkhi hay or FUQAH'A KIRAAM per Jhoot bhi boldiya . Ye bechara "TALEMUL ISLAM" bhi pardh leta to janta k FUQAH'A nay likha hay k Wajib ko Bila'uzer chordhnay wala Faasiq or Azaab ka mustahiq hota hay ¤

[[TALEEMUL ISLAM PAGE 112]]

Aur Tark Wajib say NAMAZ Mukrooh e Tehreemi Wajib uliaada hoti hay or Sunnatoon kay baray may likha hay ¤

Sunnato ko bagair Auzer chordh dena Gunaa'h hay aur Chordhnay ki Aadat karlena Sukht Gunaa'h hay ¤

[[TALEEMUL ISLAM PAGE 113]]

Aur Mustahab kay chordhnay may Sawaab nahi milta Agercha'yh Azaab na ho ¤

[[TALEEMUL ISLAM PAGE 112]]

Dekho 1 Aadmi ko 1,00,000 Ropay inaam milay to jis ko na milay is ko agerche'yh saza bhi huwe mager inaam na milnay ki hasrat to hogi ¤

Kis Faqahi nay kaha hay k NAMAZ may Sunnan aur Mustahibaat ko chordhdiya karo ?

Balkay hum to Bachpan say samjhatay hain k NAFIL bhi na chordhna warna Sunnatoon may susti hogi is liye Aap Masaajid may dekhtay hain k Loog Farz aur Sunnatoon kay sath Nafil bhi pardhtay hain kisi Masjid may hamaray Logoon ko dekha k sirf Farz pardh kar bhaag jaatay hain ? ¤

Sunnatoon ko chordhnay ka sabuq to aap kay haan milta hay ¤

Dekhiye !!

Molvi Sana ullah Sahab say sawal huwa k koi Shukhsh Farz namaz adaa karay or Sunnat e Moukida'h ya Ger Moukida'h Tark karday to Khuda kay paas is Tark e Sunnat ka kiya Muakhiza'h hoga ?

Wo farmatay hain Sunnatoon ki waza rafa Darjaat kay liye hay , Tark Sunnat say Rafa Darjaat may kami rehti hay Muakhiza'h nahi hoga INSHALLAH ¤

[[Fatawa Sanayiya'h Jild 1 Page 627]]

Mufti Abdul Sattar Ameer Jama'at Gurba'a Ahlehadees likhtay hain : Nawaafil or Sunnan Salaat kay Tark per Gunaah nahy ¤

[[Fatawa Sattariya'h Jild 4 Page 35]]

Nawab Siddique Hasan farmatay hain SUNNAT ki mukhalifat Bilakiraahat Jayiz hay ¤

[[Nazlul Abrar Page 83]]

Talib Zaidi Sahab nay

Bukhari kay hawalay say

HAZRAT ANAS RAZI ALLAHU AUNHU ka irshaad naqal kartay hain k may aaj kal Islaam ki koi Aesi Cheez nahy dekhta Jo NABI KAREEM SALALLAHU ALAHI WASALLAM kay Aehad kay mutabib ho . IN SAY KAHA GAYA NAMAZ ??? To unho nay jawab diya k kiya tum nay NAMAZ may tabdeeliya nahi ki ......???

Or phir TIBQAAT IBNE SAAD kay hawalay say [[Talib Zaidi]] likhta hay k HAZRAT ANAS RAZI ALLAHU AUNHU kehtay hain may ISLAM kh NABI kay Aehad kay mutabiq koi CHEEZ nahi pata siwaye KALIMA'H kay ¤

[[AL-Tehqeeq Page 206]]

HAZRAT ANAS RAZI ALLAHU AUNHU ka wisaal 90hijri may hay ¤

Goya Talib Zaidi kay Nazdeek 90hijri say pehlay hi KALIMA'H kay siwa saara ISLAM mit gaya tha or is may IMAM ABU HANIFA'H REHMAHULLAH ya HANFIYOON ka koi hath na tha ¤

Talib Zaidi kay haan NAMAZ ki kharabi MAKKAH MUKARRIMA'H say shuro huwe ¤

Likhta hay "AFAAL e SALAAT ki TAQSEEM karnay waloon kay haan TAKBEER e TEHRIMA'H ki tarah TAKBEERAAT e INTEQAAL jehran zarori nahi to inhoon nay wo bhi Chordi ¤

Phir HAZRAT IKRAMA'H o IBNE ABBAS RAZI ALLAHU AUNHUM ka Qoul naqal kiya hay"¤

[[AL-Tehqeeq Page 211]]

Aur likhta hay k MEMOON MAKKI nay IBNE ABBAS RAZI ALLAHU AUNHU kay paas jaker kaha may nay IBNE ZUBAIR RAZI ALLAHU AUNHU ko

[[Rafa yadain karkay]] Aesi Namaz pardhtay dekha hay k kisi nay Aesi Namaz adaa nahi ki ¤

[[AL-Tehqeeq Page 214]]

Yaad rahay

HAZRAT ABDULLAH bin ABBAS RAZI ALLAHU AUNHU ka wisaal 68hijri may huwa ¤

Talib Zaidi ki Tehqeeq kay mutabiq 68hijri say pehlay MAKKAH walay RAFA YADAIN bhi chorcukay thay or TAKBEERAAT e INTEQAAL bhi or HAZRAT ANAS RAZI ALLAHU AUNHU nay jo ISLAM badalnay ki baat ki hay wo GELAAN BASRI say ki hay Goya BASRA'H may 90hijri say pehlay hi ISLAM mit gaya tha or.

[[AL-Tehqeeq Page 212]]

per ABU DAWOOD kay hawalay say IMAM HASAN BASRI REHMAHULLAH [[110hijri]] ka Qoul naqal kiya hay kay Loog RAFA YADAIN chorchukay thay or MADINA'H MUNAWWARA'H may IMAM MAALIK REHMAHULLAH pedayish [[90hijri]] farmatay hain k may Pehli TAKBEER kay baad kisi JAGA'H RAFA YADAIN karnay walay ko Pehchanta tak nahi

[[AL-MADOONA TUL KUBRA]]

Aur KUFA'H may

IMAM IBRAHEEM NAKH'YI REHMAHULLAH

[[90hijri]] farmatay hain k may nay RAFA YADAIN kisi ko kartay dekha na suna ¤

[[MOUTA MUHAMMAD]]

[[[[ NUMBER 06 ]]]]

"Is kay baad QIFAAL nay HANFI NAMAZ pardhi"¤

Ye bhi is Qissay'h kay JHOTAY honay ki DALEEL hay kiyonkay jub SHAFAYI NAMAZ SHAFAYI nay pardhi thi to HANFI NAMAZ HANFI ko pardh kar isy tarah puray FARAYIZ " WAJIBAAT " SUNAN " MUSTAHIBAAT " Aadaab kay sath pardh kar dikhani chahiye thi ¤

Ye to INSAAF aur AQAL kay khilaaf hay k FUQAHA'A ka itna bardha Majma'a ho aur HANFI NAMAZ ka Mazaaq Aurdhanay kay liye SHAFAYI ko khardha kiya jaye ¤

[[[[ NUMBER 07 ]]]]

"KUTTAY ki DABAAGAT ki huwe KHAAL pehen li"¤

IMAM SAHAB REHMAHULLAH ya kisi HANFI nay aaj tak kuttay ki khaal pehen kar NAMAZ nahi pardhi . Ye AHNAAF kay sadiyoon kay mutawaatir AMAL kay khilaaf hay . Haan ager iska Maqsad ye hay k FIQA'H HANFI may ye kiyo likha hay k kuttay ki khaal Dabaagat say paak hojati hay , to ye QIFAAL nay FIQA'H ka mazaaq nahi aurdhaya balkay HADEES ka mazaaq aurdhaya hay . Kiyonkay AANHAZRAT SALLALLAHU ALAHI WASALLAM nay khud farmaya k jub kachay chamrdhay [Leather] ko rang diya jaye to wo paak hojata hay ¤

[[MUSLIM Jild 1 Page 159 Aun Ibne Abbas o Nisayi Jild 2 Page 190 az Ibne Abbas , Ayisha o Salma'h bin AL-MAHBIQ]]

TALIB ZAIDI bhi is sahi hadees kay inkaar balkay isteza'a may inka shareek ban gaya ¤

TALIB ZAIDI SAHAB!!

Ager paak keh denay say ye Naqsha batana zaroori hay to Aap kay haan to MANI , KHOON , KHAMER , KHINZEER paak hay ¤¤

[[NAZLUL ABRAR]]

To kiya Aap KHINZEER authaker or baaqi cheezoon say JISAM O KAPRDHO ko lat pat karkay Jalsah aam may APNI NAMAZ ka naqsha pesh karain gay ?

ZAIDI SAHAB!!

AANHAZRAT SALLALLAHU ALAHI WASALLAM kitna piyara irshaad hay ¤

"Apnay Bhai k liye wohi pasand karo jo Apnay liye pasand kartay hn" ¤

ZAIDI SAHAB!!

Aap to Dabaagat shuda khaal per Naraaz hain ¤

Aap kay Mazhab may to KUTTAY kay eilawa KHINZEER ki Khaal bhi Dabaagat say paak hojati hay ¤

KUTTAY ki Khaal ka Dool or Musallaa banana bhi jayiz hay , KUTTAY ko authaker NAMAZ pardhna bhi jayiz hay ¤

[[NAZLUL ABRAR Jild 1 Page 30]]

Aur KUTTAY ka Luaab aur Sahi Qoul kay mutabiq Peeshaab or Pakhana bhi paak hay ¤

[[NAZLUL ABRAR Jild 1 Page 49]]

ZAIDI SAHAB!!

Islaami hukumatoon may Aap kay firqa'h ka wajood na tha warna Aap hotay to QIFAAL to Khaal aordh kar khardha huwa tha . Aap KUTTAY ki Khaal ka Musallaa bicha kar KUTTAY ki Khal kay Dool say pani pi ker , KUTTAY ko authaker NAMAZ pardhtay k KUTTAY ka Pakhana , Peshaab aur Luaab bhi beh raha hota to QIFAAL to yaqeenan Aap ki NAMAZ per Aashiq hojata kiyonkay wo to bechara HANFI , SHAFAYI NAMAZ ka naqsha khench raha tha aur Aap kay haan ye NABVI NAMAZ hay ¤

[[[[ NUMBER 08 ]]]]

"Aur isko Chothhayi say Aaloodah karliya"

Isy say pata chalta hay k ye qissa'h jhoota hay kiyonkay ye HANAFI MAZHAB ka masla'h nahi hay ¤

PEHLAY MASLA'H SOONLAY!!

Ager nijasat e khafifa'h kapray ya badan may lag jaye

[na kay khud lagaye] to jis hissay may lagi huwe hay ager is kay Chothhayi say kum ho to Muaaf hay or ager pura Chothhayi ya is say ziyada ho to Muaaf nahi yani ager Aasteen may lagi ho to Aasteen ki Chothhayi say kum ho , Ager Dupattay'h may lagi hay to is ki Chothhayi say kum ho tub Muaaf hay , Isy tarah ager TAANG may lag jaye to is ki Chothhayi say kum ho to tub Muaaf hay ¤

Garz ye kay Jis Auzoo may lagi ho is ki Chothhayi say kum ho aur ager puri Chothhayi ho to Muaaf nahi is ka Dhhona wajib hay yani Bey Dhoye huwe NAMAZ durust nahi ¤

[[BEHESHTI ZAIVER Jild 2 Page 3]]

Aur Nijaasat e Khafifa'h Chothhayi kaprdhay say kum lagi ho to NAMAZ hojaye gi lekin MUKROOH hogi ¤

[[TALIM UL ISLAM Page 109]]

Is Masla'h say maloom huwa k QIFAAL nay jo puri Khaal ki Chothhayi per ager Nijaasat Khafifa'h bhi lagayi to AHNAAF kay haan NAMAZ nahi hoti . Isy liye is Zamanay kay FUQAHA'A nay bhi is ka inkaar kiya k ye hergiz HANAFI NAMAZ nahi ....¤

Haan 1 aur baat bhi yaad rahay k jo cheez hamaray haan Nijaasat e Khafifa'h hay wo Aap kay haan na sirf paak balkay Halaal bhi hay ¤

Maslen!!

Halaal Jaanwaroon ka Peshaab hamaray haan Nijaasat e Khafifa'h hay aur Aap kay haan Paak bhi hay aur ba-waqte zaroorat iska Peena bhi Jayiz hay ¤

[[FATAWA'H SANAYIYAAH]]

[[FATAWA'H SATTARIYA'H]]

Ager Aap QIFAAL kay zamanay may hotay to Aap 1 Kilo Ghordhay ka Peshaab pi ker , Gaaye kay Peshaab say Gusel karkay , Bhens kay Peshaab say Kaprdhay dhoker aur Aoont kay Peshaab say JAAYE NAMAZ dhhoker MUQABILAAY may khardhay hoker NAMAZ pardhtay aur sath hi Naara lagatay ¤

NA HANFIYA'H NA SHAFIYA'H

MUHAMMADIYA'H MUHAMMADIYA'H

In HAZRAAT ki kitaboon kay Mutallay say yaqeen hota hay k is Mazhab ki bunyaad Kitab o Sunnat per nahi balkay AHNAAF say ZID per hay ¤

[[]]____A____[[]]

"FIQA'H HANFI may hay k NAMAZI kay badan ka paak hona NAMAZ kay sahi honay kay lye shart hay"¤

[[TALEEM UL ISLAM Page 44]]

To inho nay kaha k FIQA'H MUHAMMADIYA ye hay ka

"Pus Musallaa Banajaasat Badan Aasam Sast Namazish Batil Naest"

[[ BADUR UL AEHLA Page 38]]

yani Ganday badan say NAMAZ pardhnay say GUNAH to hoga lekin NAMAZ sahi hojayegi . Yaad rahay in ki Nijasat or Gandigi sirf INSAAN ka Peshaab , Pakhana or Haiz o Nifaas ka khoon hay ¤

[[]]____B____[[]]

"FIQA'H HANFI may namazi kay kaprdho ka paak hona shert hay"¤

To inho nay kaha FIQA'H MUHAMMADI ye hay k

"Der Jama'h Napaak Guzrarad Namazish Sahi Bashed"¤

[[ ARFUL JADI Page 22]]

Yani jo Napaak kaprdho may NAMAZ pardhay¤

[[Manderja'h bala Nijasatoon say Lat Pat hoon]] to NAMAZ sahi hogi¤

[[]]____C____[[]]

"FIQA'H HANFI may NAMAZ ki jaga'h ka Paak hona shert hay"¤

Ye kehtay hain k FIQA'H MUHAMMADI ye hay k

"Taharat Wajib Sust na Shert Sehat Namaz"

[[ ARFUL JADI Page 21 ]]

NAMAZ ki jaga'h ka Paak hona Zarori to hay lekin NAMAZ kay sahi honay ki Shert nahi . NAMAZ Gandigi per KHARDHAY hoker bhi hojaye gi ¤

[[]]____D____[[]]

"FIQA'H HANFI may Sater chhupana NAMAZ ki Shert hay"¤

Ye kehtay hain k FIQA'H MUHAMMADI ye ha k

"Her kay dar NAMAZ Aoortash Numayaa shud NAMAZISH sahi bashed"

[[ ARFUL JADI Page 22 ]]

Yani  NAMAZ may jis ki Sharemgaah Nangi rahay is ki NAMAZ sahi hay ¤

[[]]____E____[[]]

"FIQA'H HANFI may NAMAZ waqt say pehlay pardhna drust nahi"

Lekin in ki FIQA'H MUHAMMADI ye hay k ASAR k waqt FOOTBALL khelna ho to ASAR ki NAMAZ ZOHAR kay sath Pardhlo ¤

[[FATAWA'H SANAIYA'H Jild 1 Page 231]]

HERAANI hay k is NAMAZ ko kabhi MUHAMMADI NAMAZ kaha jata hay or kabhi MAKKA'H MADINAY ki NAMAZ ka naam diya jata hay¤

[[[[ NUMBER 09 ]]]]

"Aur NABEEZ KHAJOOR [DATE] say WAZU kiya" ¤

AHLE ARAB namkeen pani ki namkeeni ko door karnay kay liye is may kuch KHAJOOR [DATE] daal detay thay . KHAJOORAIN bhi sabut rehti thi aur pani may kuch Mithaas aajati thi aesay NABEEZ say WAZU jayiz hay ¤

Jub aur pani na ho to is per Aetraaz "FIQA'H HANFI" per Aetraaz nahi balkay

"NABI PAAK SALLALAHU ALAHI WASALLAM per Aetraaz hay"¤

HAZRAT ABDULLAH bin MASOOD RAZI ALLAHU AUNHU say taqreeban 14 TARQ say marvi hay hay k

"AANHAZRAT SALLALAHU ALAHI WASALLAM" nay farmaya!! "Tamratun Tayyibatun wa Maa'on Tahoor"

"KHAJOOR [DATE] bhi paak hay or PANI bhi paak hay" ¤

[[ABDUL RAZZAQ Jild 1 Page 179]]

[[Ibne ABI SHEEBA'H Jild 1 Page 25]]

[[AHMED Jild 1 Page 204]]

[[Abu DAWOOD Jild 1 Page 12]]

[[TIRMIZI Jild 1 Page 13]]

[[Ibne MAAJA'H Page 31 per ye HADEES HAZRAT ibne ABBAS RAZI ALLAHU AUNHU say hay]]¤

"AAP SALLALAHU ALAHI WASALLAM nay khud is NABEEZ say WAZU farmaya"¤

Isy tarah HAZRAT ALI RAZI ALLAHU AUNHU farmatay hain!!

"La Yara Basa Bilwazu'o Bilnabeez"¤

[[Ibne ABI SHEEBA'H Jild 1 Page 26]]¤

"NABEEZ" say WAZU karnay may koi Harj nahi . Aur HAZRAT IKRAMA'H RAZI ALLAHU AUNHU bhi farmatay thay k Pani na milay to "NABEEZ" say WAZU karlay ¤

"Ikhrajahu Abu Ya'ala Warijalahu Siqaat"¤

[[MAJMA UL ZAWAYID Jild 1 Page 215]]

"NABI PAAK SALLALLAHU ALAHI WASALLAM ki HADEES aur KHALIFA'H RASHID HAZRAT ALI RAZI ALLAHU AUNHU kay FATWA'H ka inkaar mehez QIYAAS say karrahay hain jubkay HAZRAT IMAM E AZAM ABU HANIFA'H REHMAHULLAH nay QIYAAS ko chordhker HADEES per Amal kiya hay" ¤

IMAM TIRMIZI REHMAHULLAH farmatay hain k IMAM SUFIYAAN SORI REHMAHULLAH bhi is kay Qayil thay ¤

IMAM ABDULLAH bin MUBARAK REHMAHULLAH farmatay hain !!

"La Nakziballahu La Abali Beman Khalifahuma"¤

[[ MAMEERI Page 135 ]]

Yani ALLAH Gawaah hay k FIQA'H may hamaray IMAM !!

IMAM ABU HANIFA'H REHMAHULLAH aur HADEES may !!

SUFIYAAN SORI REHMAHULLAH , jub kisi Masla'h may ye Ittefaaq karlain to mujhay kisi ki Mukhalifa ki parwaa'h nahi aur is Masla'h may 2ono ka Ittefaaq hay ¤

ZARA aur SOONIYE !!

"IMAM BUKHARI REHMAHULLAH , IMAM ZEHRI REHMAHULLAH say naqal kartay hain k jub KUTTA Pani kay Barten may moun'h daalday aur Pani na ho to is KUTTAY kay JHOOTAY walay Pani say WAZU jayiz hay ¤

[[BUKHARI Jild 1 Page 29]]

Aur HAKEEM SADIQ SIALKOTI SAHAB nay to kamal kardiya likhtay hain !!

"HUZOOR SALLALLAHU ALAHI WASALLAM farmatay hain k ager Nijaasat kay girnay say Pani say BADBOO aanay lagay ya is ka MAZA bigerdh jaye ya RANG tabdeel hojaye yani 3eno Wasaf Pani may Ikhattay paaye jayain to wo Pani Napaak hojata hay" ¤

[[SALAT UR RASOOL]]

ALLAH ka shuker hay k is ISLAMI HUKUMAT may is Firqa'h ka wajood na tha warna ye BAALTI Pani ki lay kar pehlay is say KUTTAY ko piladetay phir is may Peeshaab karletay jis say in kay 3eno Wasaf na badaltay aur QIFAAL ko dikhatay k ye hay "MUHAMMADI NAMAZ" jis say SALAT UR RASOOL adaa ki jaaye gi ¤

"Ya Allah !! Hum sub ko Zid aur Hatdharmi say bacha . Aameen Summa'h Aameen"¤

[[[[ NUMBER 10 ]]]]

"Aur bay NIYAT kay WAZU kiya"¤

Hamaray haan NIYAT Sunnat hay . SUNNAT ka Tark to Gunaah hay mager SUNNAT say istehza'a KUFER hay ¤

Chon'kay Pani khud Mat'her hay is liye Paaki to Bagair NIYAT kay bhi haasil hojaye gi Albata Sawaab NIYAT say milay ga ¤

[[]]____A____[[]]

AAP HI FARMAIYE kisi nay Rafa Hajat kay baad Pani say Istenja'a karliya Mager Tahaarat ki NIYAT nahi ki phir WAZU karkay NAMAZ pardhli to kiya NAMAZ dubara pardhni pardhay gy? ¤

[[]]____B____[[]]

DHOBI Aap kay Kaprdhay Dhhoker laya..... Aap is say puchtay hain k NIYAT Tahaarat ki THI ya NAHI? ¤

[[]]____C____[[]]

Ek Shukhsh kay zakhum say Khoon nikal aaya , Auper say Baarish huwe , Saara Khoon Dholgaya to kiya wo Paak nahi huwa? ¤

[[]]____D____[[]]

HAZRAT UMAR RAZI ALLAHU AUNHU kay ISLAM lanay ka waqiya'h mashhoor hay . Aunhoon nay apni Behan say kaha k jo KITAB tum pardhti ho mujhay bhi do . Inki Behan nay kaha k tun Napaak ho aur is KITAB ko nahi Chhusaktay Mager Paak ho , Tum autho aur GUSEL karo ya WAZU karlo . wo authay aur WAZU kiya phir KITAB hath may ly¤

Is HADEES ko "Abu Ya'ala" nay riwayat kiya hay aur "DareQitni" nay HAZRAT ABDULLAH bin ABBAS RAZI ALLAHU AUNHU say isko riwayat kiya hay ¤

[[ AALAA ul SUNAN Jild Page 30]]

Ye Baat bhi Musallum hay k KAFIR ki NIYAT moatber nahi to Maloom huwa k WAZU hojata hay albata sawab nahi milta ¤

Isy tarah WAZU may tarteeb bhi hamaray haan SUNNAT hay ¤

QIFAAL nay KHILAAF E SUNNAT WAZU kiya to aaj GERMUQALLID is per kitna Fakher kar rahay hain kiyo kay ye FIRQA'H bana hi SUNNATOON ko mitanay kay liye hay ¤

[[]]__NOTE__[[]]

Abu DAWOOD may aur Ibne ABI SHEEBA'H Jild 1 Page 39 per HUZOOR SALLALLAHU ALAHI WASALLAM ka bay Tarteeb WAZU karna mazkoor hay ¤

[[[[ NUMBER 11 ]]]]

"Ab QIFAAL nay jo Namaz pardhi is may RAFA YADAIN TAKBEER TEHREEMA'H kay waqt bhi na ki , na RUKO o SIJDA'H may Tasbehaat pardhi . Is sub SUNNATOON ko chordhiya jubkay SHAFAYI Namaz pardhtay waqt is nay SUNNAT to kja koi MUSTAHAB bhi nahi chordha"¤

QIFAAL nay jo kiya so kiya Lekin GERMUQALLIDEEN ki SUNNAT dushmani Mulahiza ho k SUNNATOON kay chordhnay per kitnay khush hain . Phir may nay is SHUKHSH ko "NISAYI SHAREEF" dikhayi ¤

May [[MUHAMMAD AMIN SAFDAR]] nay pucha ye FIQA'H ki kitab hay ya HADEES ki ?

Is nay kaha k ye to HADEES ki kitab hay os "SAHA SITTA'H" may shamil hay .¤

May [[MUHAMMAD AMIN SAFDAR]] nay pucha HANFI ki likhi huwe hay ya SHAFAYI ki ?

Is nay kaha k "SAHIB MISHKAAT" nay isko SHAFAYI likha hay .¤

May [[MUHAMMAD AMIN SAFDAR]] nay kaha dekho itna bardha MUHADDIS bhi MUQALLID tha .¤

IMAM NISAYI REHMAHULLAH apni kitab may ye Baab Bandhtay hay

"Aqul MaaTajzi Bihi is Salaat'h . Kam az Kam kitni NAMAZ jayiz hay"

Is BAAB may wo Mashhoor HADEES laye hain jo "MASEEYIS SALAAT" kay naam say Mashoor hay K

Ek Namazi NAMAZ adaa karta hay , AAP SALLALLAHU ALAHI WASALLAM farmatay phir pardho tumhari NAMAZ nahi huwe ¤

Aakhir is nay Arz kiya k HAZRAT AAP [SALLALLAHU ALAHI WASALLAM] mujhay NAMAZ sikhadain ¤

Chunacha'h AAP SALLALLAHU ALAHI WASALLAM nay isay NAMAZ sikhayi . Is NAMAZ may na TAKBEER E TEHREEMA'H ki RAFA YADAIN hay , na HATH Bandhna hay , na SANA'A hay , na TAAUOOZ o TASMIYA'H hay , na FATIHA hay , na AAMEEN hay , na TAKBEERAT E INTEQAAL hain , na TASBEEHAAT RUKO o SUJOOD , na TASMEE'A aur TEHMEED , na RUKO ki RAFA YADAIN hay , lekin Aakhir may AAP SALLALLAHU ALAHI WASALLAM nay farmaya k ager tunay itni NAMAZ pardhli to teri NAMAZ puri hogayi or jo AFAAL bataye in may kuch kum kiya to NAMAZ naaqis hogi ¤

[[ NISAYI Jild 1 Page 194 ]]¤

May [[MUHAMMAD AMIN SAFDAR]] nay kaha k dekhiye Aap kay Deen k arkaan Arba'h jin per her Masjid ko Aap nay Medan Jang bana rakha hay yani Seenay per hath bandhna , Fatiha , Aameen bil Jehar , Ruko ki Rafayadain , inka ziker tak is hadees may nahi . Haan FUQAH'H chonkay tamam Ahadees ko saamnay rakh kar fesla'h kartay hay is liye farmatay hahn Namaz may jo Farayiz haim in may say ager 1 bhi chhoot jaye to nahi hoti chahay Qasden chordha ho ya bholay say 2ono ka 1 hi hukum hay or baaz cheezain Wajib hain k in may say ager koi cheez Qasden chorday to NAMAZ NIKAMMI aur kharab hojati hay or phir say NAMAZ pardhni pardhti hay . Ager koi phir na pardhay to khair tub bhi FARZ sir say auter jaye ga LEKIN bohot Gunah hota hay or Ager bholay say Chhoot jaway to Sijda'h sahu karlenay say NAMAZ hojaye gi ¤

[[BEHESHTI ZAIVER Jild 2 Page 18]]

[[[[ NUMBER 12 ]]]]

"KHUDAYE BUZRUG TAR AST"

Sub HANFI "ALLAHU AKBAR" say NAMAZ shuro kartay hain kiyonkay is kay siwa kisi LAFZ say NAMAZ shuro karna Gunaah hay ¤

"IMAM TAHAWI REHMAHULLAH farmatay hay Ager "ALLAHU AKBAR" kay bajaye "ALLAHU AZAM" , "ALLAHU AJAL" kahay to Gunaahgaar hoga"

[[ Jild 1 Page 170 ]]

To QIFAAL nay TEHREEMA'H may LAFZ "ALLAHU AKBAR" chordhker AHNAAF ki mutawaatir NAMAZ ki Mukhalifat bhi ki or apni Gardun per Gunaah bhi Laada . Dushmanaan e Deen Aaj is ko Mubarak baad day rahay hain ¤

TAFSEEL is Masla'h ki ye hay k ALLAH TA'ALA nay QURAAN PAAK may farmaya !!

"WAZAKARASMA RABBIHI FASALLAA"

aur ALLAH ka naam liya phir NAMAZ pardhi . Is say to sirf itna sabit huwa k ALLAH kay kisi Naam say bhi NAMAZ shuro hojati hay ¤

Dusri jagah farmaya !!

"WARABBAKA FAKABBIR"

"Apnay Rab ki bardhayi bayan kar"

is say Maloom huwa k aesa NAAM ho jis may AZMAT aur BARDHAYI kay Maanay nikaltay hoon ¤

Chunachay'h "ALLAHU AJAL" , "ALLAHU AZAM" , "ALLAHU AKBAR" in may ye Maanay nikaltay hain ¤

"Ab HADEES may "ALLAHU AKBAR" aaya to AAYAT o HADEES ko milaker khulasa yahi nikla k FARZIYAT to kisi Baazmat naam say bhi adaa hojaye gi haan LAFZ "ALLAHU AKBAR" wajib hay is liye iskay elawa kisi aur naam say Shuro karnay say TARKE WAJIB ka Gunaah hoga ¤

Yahi waja'h hay k "AHNAAF" hamesha LAFZ "ALLAHU AKBAR" say hi NAMAZ shuro kartay hain ¤

"QURAN o HADEES dono ko Milaker Mutalla'ay karnay say yahi Masla'h samajh may aata hay ¤

GERMUQALLIDEEN nay chonkay bilkul QURAN PAAK ko chordh diya hay is liye Auljhanoon may pardhay huwe hain ¤

[[[[ NUMBER 13 ]]]]

"MUDHAAM-MATAAN"

ka tarjuma'h "2 barg haaye subz pardha . Ye bhi is Qissay kay jhotay honay ki wazeh DALEEL hay ¤

Is ka tarjuma'h "2 barh haaye subz" bilkul Galat hay ¤

Waheed uz Zamaan nay bhi tarjuma'h yoon kiya hay "Nihayat Subz Hay" ¤

Hamaray haan Masla'h ye hay k ALLAH TA'ALA farmatay hain !!

"Faqra'au Ma Tayassara Minal Qur'aan"

QURAN PAAK say jitna Aasani say pardh sako pardhlo ¤

Ab jis Tarah Pani k her Qatray ko Pani kehtay hain isy Tarah Quran ki her AAYAT ko Quran kehtay hain ¤

Ab sawal ye hay k GERMUQALLIDEEN 1 Aayat kay QURAN honay say inkar kartay hain ya is ki Qira'at kay Aasaan honay say inkar kartay hain ? ¤

AAPSALLALLAHU ALAHI WASALLAM nay bhi NAMAZ sikhatay huwe yahi farmaya !!

"SUMMA QIRA'A Bima Tayassar Ma'aka Minal Qura'an" ¤

Phir Quran say jo Aasaan ho pardh ¤

Is liye FARZ QIRA'AT to itni hi hay , Albata AAPSALLALLAHU ALAHI WASALLAM nay ye bhi farmaya k NAMAZ nahi hoti ager FATIHA aur kuch Zaayid na pardha Jaye ¤

[[MUSLIM , NISAYI , ABU DAWOOD ,, walahu shawaahidun]]

To hum nay FATIHA ko wajib moin or MAZAAD wajib Mukhair kaha ¤

Ab sirf 1 Aayat pardhay to FARZ adaa hojaye gaa Mager 2 Wajiboon kay TARK ka Gunaah hoga or FARSI may Qira'at kay QOUL say IMAM SAHAB REHMAHULLAH farmaliya tha ¤

DEKHIYE

[[HIDAYA'H Jild 1 Page 102]]

"Wayurwiya rujoauhu fi asal il masalati ilaa Qaolahima waalahil aetimaadu" ¤

To QIFAAL nay 2 Wajiboon kay Chordhnay ka Gunaah to sir per liya tha . FARZ Qira'at bhi adaa na ho to NAMAZ hi nahi huwe ¤

AAFREEN hay GERMUQALLIDEEN per k Sunnat Dushmani say Taraqqi karkay Wajib Dushmani balkay FARZ Dushmani per bhi auter aaye or Apni Taqreeroon may is per FAKHER bhi kartay hain ¤

[[[[ NUMBER 14 ]]]]

"Phir Bajaye Sujood kay Murg Ki Tarah Bagair Farq Kay 2 Thongain Maarli Aur Tashahud Pardha" ¤

HAMARAY HAAN itmenaan say her RUKN ko adaa karna Wajibaat NAMAZ may say hay ¤

¤[[ BEHESHTI ZAIVER Page 19 ]]¤

Yaha bhi hum nay pehlay QURAN ko dekha to RUKO ka hukum mila . Ab jhuk janay ko RUKO kehtay hain . ye FARZ DARJA'H hay is may itmenaan ka ZIKER HADEES may mila is ko hum WAJIB kehtay hain ¤

"Wayajibul itmenanu wahuwat tadeelu fil arkaani "¤

¤[[MIRAQI AL-FALAH Page 135]]¤

Aur Itmenaan Yani TADEEL Arkaan wajib hay . Donoon Sijdoon kay darmiyaan bethna bhai TADEEL arkaan may shamil hay to goya QIFAAL nay kayi WAJIBAAT kay TARK ka Gunaah apni Gerdan per lay liya or Gunaah Pasand FIRQAY

[[NAAM NIHAAD Ahlehadees]] nay is per bohot khushi bnayi ¤

[[[[ NUMBER 15 ]]]]

"Gooz Mardiya Aur Namaz Say Bagair Salaam Kay Nikla"

Yaha bhi pehlay Hamara Masla'h sunay ¤

Ager "ASSALAAMU ALAIKUM WARAHMATULLAH" kay Moqay per SALAAM nahi phera bulkay jub SALAAM ka waqt aaya to kisi say Bool Pari , Batain karnay lagi ya auth ker kahin chalay gayi ya aur koi Aesa Kaam kiya jis say NAMAZ Toot jati hay to is ka bhi yahi HUKUM hay K FARZ to auter jayega Lekin NAMAZ ka dohrana WAJIB hay . Phir say na Pardhay gi to Bardha Gunaah hoga ¤

[[BEHESHTI ZAIVER Jild 2 Page 19]]

Aur iski DALEEL ye hay k jub AANHAZRAT SALLALLAHU ALAHI WASALLAM nay HAZRAT ABDULLAH bin MASOOD RAZI ALLAHU AUNHU ko NAMAZ sikhayi to TASHAHUD

"ABDUHU WARASOOLOH"

Tak sikhaker farmaya k jub to ye kaam karlay to teri NAMAZ adaa hochuki iskay Baad ager khardha hona chahay to khardha hoja aur ager Bethna chahay to Betha rahay , is HADEES ko IMAM MUHAMMAD REHMAHULLAH nay Riwayat kiya aur is kay sub RAAVI Siqa'h hain ¤

[[ MAJMA UL ZAWAYID Jild 1 Page 198 ]] ¤

Isy Qisem ki HADEES "ABU DAWOOD" may bhi hay ¤

HAZRAT ALI RAZI ALLAHU AUNHU farmatay hain k jub NAMAZI "Tashahud" ki Qadar bethay aur is kay Baad is ko Hadus hojaye to is ki NAMAZ puri hogayi . ¤

[[ SUNAN E BEHQI ]]

Is say Maloom huwa kay Tashahud kay Baad NAMAZ mukammal hogayi Mager Dusri taraf HADEES hay k NAMAZ say Nikalna SALAAM kay sath hay to hum nay Donoon HADEESOON ko Mana k Tashahud tak Bethnay say Faraiz NAMAZ to puray hogaye haan LAFZ salaam FARZ nahi balkay WAJIB hay taankay AHADEES may Takrao peda na ho is liye QIFAAL nay yaha bhi TARK WAJIB ka bardha Gunaah sir per liya or Gunaah Pasand Firqay nay is per EID manaayi ¤

"Gooz" ki Arbi Zaraat hay , jesay HADEES may aata hay k SHEETAN AZAAN ki awaaz sunker Paadta huwa bhagta hay aur Aahista HAWA khaarij karnay ki Arbi "FASA'A" hay ¤

Aam tor per GERMUQALLIDEEN kaha kartay hain k in ki NAMAZ , Paad per khatam hojati hay wo QIYAAMAT tak Lafz "Zaraat"ya"Fasa'a" is Masla'h may hamari kisi "FIQA'H" ki "KITAB" may nahi dikhasaktay . ¤

Rata'h Jhol Zila'a Sialkot may , may

[[MUHAMMAD AMIN SAFDAR]] nay ye kaha tha ager ye FIQA'H may dikhadain k Salaam ki bajaye "ZARAAT"ya"FASA'A" wajib hay to may 1 Lakh [1,00,000] Rupiya'h Inaam bhi doon ga or HANFI MAZHAB say Totba'h bhi karlo ga Mager na Dikhasakay or na Aayinda Dikhasakay gay "INSHALLAH" . Is liye may yahi kaho ga k Jhoot bolna koi Deen ki Khidmat nahi is say Toubah karlay ¤

[[[[ NUMBER 16 ]]]]

"Is per Sub AHNAAF nay is ka "INKAAR" kiya" ¤

"Bilkul baja kiya ye NAMAZ aaj tak kisi HANFI nay nahi pardhi" . ¤

[[[[ NUMBER 17 ]]]]

"Phir 1 Eisaayi ko bulaya gaya" ¤

Ye Baat bhi is Qissay kay bilkul JHOOTAY honay ki DALEEL hay kiyonkay

"SULTAN MEHMOOD GAZNAVI REHMAHULLAH khud thay"

is nay Kitaab bhi likhi thi , is ko Eisaayi say Tehqeeq karanay ki kiya Zarorat thi aur ye bhi Maloom huwa k sub FUQA'HA nay to is NAMAZ kay NAMAZ E HANFI honay say inkaar kiya mager 1 Majhool Eisaayi nay isko NAMAZ E HANFI qaraar diya . ¤

Aaj GERMUQALLIDEEN isko NAMAZ E HANFI kehtay hain wo is Majhool Eisaayi kay Andhay Muqallid hain ¤

Tamaam FUQAH'A kay khilaaf 1 Eisaayi ki ANDHI Taqleed Shukhshi GERMUQALLIDEEN ko hi Mubarak ho . ¤

is say ALLAH aur RASOOL SALLALLAHU ALAHI WASALLAM beshak Naraaz hojaye Mager ANGREZ ki Eisaayi Hukumat to khush hogayi k ALLAH aur RASOOL SALLALLAHU ALAHI WASALLAM nay FUQAH'H ko Mannay ka Hukum diya tha mager is Firqa'h nay ALLAH aur RASOOL SALLALLAHU ALAHI WASALLAM ka Hukum Chordh kar Eisaayi ki TAQLEED karli . ¤

[[[[ NUMBER 18 ]]]]

"To Baadshah nay "IMAM ABU HANIFA'H REHMAHULLAH" ko chordh kar "IMAM SHAFAYI REHMAHULLAH" kay Mazhab ko ikhtiyaar karliya"

Ye Baat bilkul Besanad hay koi Saboot nahi ¤

GERMUQALLIDEEN kay haan to jis tarah IMAM ABU HANIFA'H REHMAHULLAH ki Taqleed Shukhshi Shirk hay is tarah IMAM SHAFAYI REHMAHULLAH ki Taqleed Shukhshi bhi Shirk hay to GERMUQALLIDOON ko kiyo Khushi huwe . Is khushi say to inki Androri Kefiyat khul kar Samnay aagayi inko Nafrat na hi shirk say hay aur na hi Taqleed say balkay Nafrat Sirf aur Sirf Ahle Sunnat Waljama'at Ahnaaf say hay aur is Waqiye say ye bhi baat wazeh hogayi k SULTAN MEHMOOD GAZNAVI ki Wase'e Taraeen Islami Saltanat may GERMUQALLIDEEN ka FIRQA'H to kja inka 1 Fard bhi nahi tha warna inka FARZ tha k SULTAN MEHMOOD say kehtay k Aap 1 Shirk say Dusray Shirk ki Taraf chalay gaye , Aao GERMUQALLID banjao taa k Shirk say jaan Choot jaye .

Khulasa'h yahi nikla k na IMAM ABU HANIFA'H REHMAHULLAH is ko NAMAZ jaantay thay na HANFI is ko Maantay hain Choonkay 1 Eisaayi nay is ko HANFI NAMAZ kehdiya isliye GERMUQALLIDEEN isko HANFI NAMAZ kehtay hain . Hamari NAMAZ to wahi hay jis may Sharayit , Arkaan , Wajibaat , Sunan , Mustahibaat aur Aadaab Mukammal tor per ada kiye jayain ¤

"Allahumma Arinal Haqqa Warzuqnat Tibaa'ah , Wa Arinal Batila Batilao Warzuqnaj Tinaba'h" ¤

Aameen Summa'h Aameen

Wama Alaina Illalbalaagh

Tajalliyat e Safdar

PART 1 = PAGE 457 to 477

 

 

Other Menu

Who's Online

We have 422 guests online

Statistics

Members : 6
Content : 1067
Content View Hits : 3988103

Get Latest Feed

Enter you email address to get in touch with latest updates

یہاں اپنا ای میل ایڈریس رجسٹر کروائیں اور ویب سائٹ کی تازہ اپ ڈیٹس سے باخبر رہیں

Most Read Articles

  1. مولانا اسماعیل محمدی
  2. فضائل اعمال
  3. مولانا محمد امین صفدر اوکاڑوی
  4. نفس کے پجاری - غیر مقلدین
  5. جنت البقیع میں مدفون علمائے دیوبند
  6. شیعہ مذہب کی ابتداء ۔۔۔ اور ان کا فرقوں میں بٹنا
  7. طاہر القادری رنگے ہاتھوں پکڑا گیا۔!! ضرور دیکھیں
  8. انگریز کا الاٹ کردہ لقب اہلحدیث واپس کرتے ہیں
  9. انٹرنیٹ کی کارستانیاں (ایک بدنصیب لڑکی کی داستان
  10. Mufti Manzoor Mengal
  11. فتنہ ڈاکٹر ذاکر نائیک
  12. ترک رفع الیدین والی حدیث کو کن کن محدثین نے صحیح قرار
  13. جوشخص شیعہ کے کفر میں توقف کرے تو وہ بھی ان جیسا کافر ہے۔
  14. Shaikh Saad Al Ghamedi
  15. مناظرہ کوہاٹ کی ویڈیوز
  16. مولانا ضیا ء الرحمن فاروقی ۔ آڈیو بیانات
  17. مولانا حق نواز جھنگوی ۔ آڈیو بیانات
  18. مناظرہ ترک رفع الیدین - محمد امین اوکاڑوی
  19. شیعوں کا عقیدہ ان کی کتابوں سے
  20. مصنف ابن ابی شیبہ کی ناف کےنیچےہاتھ باندھنےوالی روایت کی تحقیق
  21. بیکاٹ فیس بک
  22. درس حدیث دارالعلوم دیوبند
  23. خاتم الانبیاء کا طریقہ نماز
  24. تاریخی حولات جات۔ شیعہ کافر
  25. Maulana Ilyas Ghuman - Audio bayanat
  26. ام المومنین سیدہ عائشہ صدیقہ رضی اللہ عنہا
  27. غیر مقلدین کے سوالوں کے جوابات
  28. اهل حدیث کے چهہ نمبر
  29. سلفی کون؟ حنفی یا غیرمقلد؟
  30. Ameer Shariat Syed Attaullah Shah Bukhari
  31. میں کیوں حنفی ہوا؟
  32. بریلویت قصور۔ مولانا الیاس گھمن
  33. Intoxicant In The Light Of Quran
  34. سنی مسلمان شیعہ کی تکفیر کیوں کرتے ہیں؟
  35. اہلحد یث یا شیعہ؟

Share you Idea

تمام حضرات سے گذارش ہے کہ سائیٹ کو ایکسپلور کرتے ہوئے اگر آپ کو کوئی خرابی نظر آئے یا اپ سائیٹ کی بہتری کیلئے کوئی مشورہ دینا چاہیں تو کنٹیکٹ اس کے پیج پر جا کر ہمیں ضرور مطلع فرمائیں

 

Ownislam:

This Website is dedicated to our beloved Prophet Muhammad (PBUH). In this website you will get the correct information regarding Islam in the light Holy Quran and the Authentic Hadith. It's time to understand and practice Islam properly so that we can spread the message and teachings of deen. Our zeal is to bring people back to real Jama'at of our Nabi Muhammad PBUH and Sahabas R.A.

We Would Like You To

Join .... Invite ... Share