1. Skip to Menu
  2. Skip to Content
  3. Skip to Footer>

PDF Print E-mail

Bismillaahir Rahmaanir Raheem

KUTTEY KA NA-PAAK BARTAN

Daur-e-Bartaanyah (British ke daur me) Angrezon ko Khush karne ke liye Jab Firqa (Naam Nihaad) Ahl-e-Hadees ki bunyaad rakhi gayi to Unhone dekha ke Unke Aaqa'-e-Ni'amat Kuttey se bada Pyaar karte hain to Ghair-Muqallideen ne bhi Kuttey ki SHAAN me Qaseedah Khwaani shuroo' Kar di.


Ghair-Muqallid, Nawaab Siddeeq Hassan Ghair Muqallid likhte hain ki “Kuttey ka gosht, Khoon, Baal, aur Paseenah ke Najas hone par daleel Nahi hai.” [Badrul Ahilla pg16]


Mazeid likhte hain: “Gadhi, Kutiya aur Suwwarni ka DOODH PAAK hai.” [Badrul Ahillah pg16]


Ghair-Muqallid, Allamah Waheeduz Zama'n (Jisko PAAK-O-HIND KE 40 JALEEL-O-QADAR Ulema’-e-Ahle Hadees me shumaar kiya gaya hai) likhta hai: “Logon ne Kutte aur Khinzeer aur Inke JHOOTE ke muta’llaq IQTILAAF kiya hai. Zyadah RAAJEH YE HAI KE INKA JHOOTA PAAK hai. Aise hi Logon ne Kuttey ke PEISHAAB, PAAKHANAH ke muta’llaq Iqtilaaf kiya hai. HAQQ BAAT Ye hai ke Inke NA-PAAK hone per Koi DALEEL NAHI.” [Nuzoolul Abraar 1/50]


(Naam Nihaad) Ahl-e-Hadees ne Jab Fiqh-e-Muhammadiyah ke Naam se Rasoolullah (sallallahu alaihi wa sallam) ko BAD-NAAM Kiya to Logon ne Ye Sawaal kiya ke Agar Aap Sachche Ahl-e-Hadees hain to Ek Ek Sareeh Saheeh Hadees laayein ke Kuttey ka Gosht, Haddi, Khoon, Paseenah, Paakhanah, Peishaab, Jhoota sab Kuch Paak hai to Wo Jawaab Khud Hadees se Peish Na Kar sake aur phir La-Jawaab ho kar Waswasah Andaazi par utar aaye aur Fiqh-e-Hanafi ko Nishaana banana shuroo kiya.


Chounke Ab ANGREZON ki HUKOOMAT bhi Khatm ho chuki thi to Phir Ghair-Muqallideen ko darr hua ke Hind wa Paak me Ab Unka baqa’ mushkil hai to phir Unhone FIQH-E-HANAFI ke khilaaf Apna Qalam uthaaya.


Ghair-Muqallid, Sadiq Siyalkoti bhi Aise Logon me hi shumaar hai. Jisne BAD-DIYANATIYON per BAD-DIAYNATIYAA’N dikha kar Fiqh-e-Hanafi ke khilaf Ek Kitab Taaleef farmayi Jiska Naam rakha: [Sabeelur Rasool (sallallahu alaihi wa sallam)].


Lekin Hakeem Sahab! Aap ne Apne Buzrugon ke khilaaf Koi Kitab Kyon Taaleef Nahi farmayi.? Jab ke Aap ke Buzrug to FIQH-E-MUHAMMADIYAH ke Naam per Khud Rasoolullah (sallallahu alaihi wa sallam) ko BAD-NAAM Kar rahe hain. Agar Aap ke Buzrug durust farma rahe hain to phir Unke difa me bhi Aap ne Koi Kitab Nahi likhi.

AITRAAZ:

Ghair Muqallid, Hakeem Sahab ne Hadees aur Fiqh me Iqtilaaf saabit karne ke liye pehle masla’h ka Ye Unwaan Qaayem kiya.

KUTTEY KA NA-PAAK BARTAN:

Abu Hurairah (raziallahu anhu) rivayat karte hain ke: Rasoolullah (Sallallahu alyhi wa sallam) ne farmaya: “Jab Kutta tumhare bartan me pee jaaye to usey 7 martaba dho’O.” [Bukhari wa Muslim]

Phir likha:

FIQH KA IQTILAAF:

[HIDAAYAH – Kitaab At-Tahaarah] me hai:

“Jab bartan se kutta pee jaaye usey 3 baar dho’O.”

Bukhari aur Muslim Shareef ki muttafiq alaiha Hadees ke khilaaf BE-DALEEL QOUL. Bhaiyo Ghour karo..!

AL-JAWAAB:

(NAAM NIHAAD) AHL-E-HADEES HAKEEM SADIQ KI BAD-DIYAANATIYAA’N:

1. Hidayah ke Qoul ko BE-DALEEL kaha.

Is Be-Daleel ki Aar me,

2. Rasoolullah (sallallahu alaihi wa sallam) ki SAHEEH HADEES ko Chhupaaya.

3. Hazrat Abu Hurairah (raziallahu anhu) ke SAHEEH FATWE ko Chhupaaya.

4. Taaba’een Hazraat ke SAHEEH FATAAWAAT ko chhupaaya.

5. Aur phir Hidayah Ki Mukammal Ibarat bhi Naqal Nahi ki Kyonke Uske sath hi Sahab-e-Hidayah ne 7 martabah wali Hadees ka Jawab bhi de diya hai.

HAKEEM SAHAB KI HADEES DUSHMANI:

Hakeem Sahab! Ahnaf se Ta’ssub me Ye likh baithe ke Kuttey ka Jhoota 3 baar dhone ka Qoul BE-DALEEL hai. Jab ke Is Ta’lluq se DALEEL (Hadees) maujood hai aur In sha’ Allah! Hum Aagey bayan bhi karenge. To samajh me aata hai ke Hakeem Sahab! ne Apne Jaahil SHUYOOKH ki ANDHI TAQLEED ki hai Baraah-e-Raast Rasool (sallallahu alaihi wa sallam) ki Ahaadees ka mutaal’ia Nahi kiya.

Ya phir Ye bhi ho sakta hai ke Isko BE-DALEEL Qoul likh kar Aam Logon ko FAREIB wa DHOKE me daalna Hakeem Sahab ka maqsad tha. (Wallaahu Aalam)

Agar Hum Ghair-Muqallideen ki ANDHI TAQLEED Chhor kar Baraah-e-Raast KUTAB AHADEES ka mutaal’ia karein to KUTTEY KE JHOOTE BARTAN ko dhone ke muta’lliq Rasoolullah (sallallahu alaihi wa sallam) se marwi Paanch (4) Ahkaam milte hain:

RASOOLULLAH (sallallahu alaihi wa sallam) KE 6 AHKAAM:

1. Abu Hurairah (raziallahu anhu) ki rivayat me hai..: Agar Kuttah Kisi Bartan me munh daal Jaaye to Usko 3 martaba ya 5 martabah ya 7 martabah dho’O. [Sunan DarQutni – Kitab: At-Tahaarah]

في الكلب يلغ في الاناء انه يغسله ثلاثا أو خمسا أو سبعا.

Is Hadees me Iqtiyaar diya gaya hai ke Chaahe 3 martaba’h dho’o ya 5 ya 7 martabah.

2. Abdullah bin Mughfal (Raziallahu anhu) ki rivayat me hai..: “Rasoolullah (sallallahu alahi wa sallam) ne Kutton ko Qatl karne ka Hukm diya phir farmaya: In logon ko kya zaroorat hai, kya haal hai Kutton ka, Phir Shikaari Kutte aur Bakriyon ki Nigraani ke liye Kutte ki Ijazat de di aur farmaya: Jab Kutta bartan me munh daal jaaye to Usko 7 martaba dho daalo, aur Aathwein(8) dafa’ mitti se maanjho.” [Saheeh Muslim]

أَمَرَ رَسُولُ اللَّهِ صَلَّى اللَّهُ عَلَيْهِ وَسَلَّمَ بِقَتْلِ الْكِلَابِ ثُمَّ قَالَ مَا بَالُهُمْ وَبَالُ الْكِلَابِ ثُمَّ رَخَّصَ فِي كَلْبِ الصَّيْدِ وَكَلْبِ الْغَنَمِ وَقَالَ إِذَا وَلَغَ الْكَلْبُ فِي الْإِنَاءِ فَاغْسِلُوهُ سَبْعَ مَرَّاتٍ وَعَفِّرُوهُ الثَّامِنَةَ فِي التُّرَابِ.

Is Hadees me 8 martaba’h dhone ka Hukm hai, Aathwi’n martaba’h Mitti se maanjhna matlab ye hai ke Maanjh kar Pani se dho dena hai.

3. Abu Hurairah (Razaiallahu anhu) ki rivayat me hai..: “Kuttey ke Jhoote bartan ko 7 martaba dho’O.” [Bukhari wa Muslim]

إِذَا وَلَغَ الْكَلْبُ فِيهِ أَنْ يَغْسِلَهُ سَبْعَ مَرَّاتٍ

Ye Hadees Izaafe ke sath bhi rivayat ki gayi hai.

4. Abu Hurairah (raziallahu anhu) se rivayat hai: Jab bartan me Kutta munh daal de to Uski Paaki ye hai ke Usey 7 baar dho’O aur inme se pehli martabah Mitti ke sath. [Muslim – Kitab: At-Tahaarah]

طَهُورُ إِنَاءِ أَحَدِكُمْ إِذَا وَلَغَ فِيهِ الْكَلْبُ أَنْ يَغْسِلَهُ سَبْعَ مَرَّاتٍ أُولَاهُنَّ بِالتُّرَابِ

5. Abu Hurairah (raziallahu anhu) se rivayat hai: Jab bartan me Kuttah munh dale to Usko 7 martaba’h dhoya Jaayega aur 7 vi martaba’h Mitti se. [Sunan DarQutni]

إِذَا وَلَغَ الْكَلْبُ فِى الإِنَاءِ فَاغْسِلُوهُ سَبْعَ مَرَّاتٍ السَّابِعَةُ بِالتُّرَابِ

6. Abu Hurairah (Raziallahu anhu) se rivayat: “Kuttey ke Jhoote bartan ko 3 martaba dho’O..” [Kaamil; Ibne Adi (rah.) Ye rivayat Sahih aur Hassan Darjah ki hai - Mua’rif As-Sunan 1/325]

Mukammal Hadees ma’e Sanad wa Matan:

أَخْرَجَهُ ابْنُ عَدِيٍّ فِي " الْكَامِلِ " عَنْ الْحُسَيْنِ بْنِ عَلِيٍّ الْكَرَابِيسِيِّ ثَنَا إِسْحَاقُ الْأَزْرَقُ ثَنَا عَبْدُ الْمَلِكِ عَنْ عَطَاءٍ عَنْ أَبِي هُرَيْرَةَ ، قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : إذَا وَلَغَ الْكَلْبُ فِي إنَاءِ أَحَدِكُمْ فَلْيُهْرِقْهُ وَلْيَغْسِلْهُ ثَلَاثَ مَرَّاتٍ.

Sirf Hazrat Abu Hurairah (raziallahu anhu) se marwi Rasoolullah (sallallahu alaihi wa sallam) ke 5 Ahkaam ooper guzar chuke hain Jo Kutab Ahaadees me paaye Jaate hain.

Abdullah bin Mughfal (Raziallahu anhu) ki rivayat ko mila kar sirf [SAHEEH MUSLIM] me hi 3 alag alag Ahkaam maujood hain. Ek me 7 martabah pani se aur 1 martabah Mitti se maanjh kar dhone ka zikr hai, Doosri me sirf 7 martabah Pani se dhone ka zikr hai, aur Teesri rivayat me Pehli martabah Mitti se maanjh kar dhona hai aur baqi 6 Martbah Pani se dhone ka zikr hai. Aur [DarQutni] ki Ek rivayat me hai ke 6 Martba’h Pani se aur 7 vi martaba’h Mitti se maanjh kar Pani se dho dena hai, Doosri rivayat me hai ke 3 ya 5 ya 7 martaba’h dhona hai Ya’ni Iqtiyaar diya gaya hai. Aur [Kaamil] ki rivayat me sirf 3 baar dhone ka hukm hai.

Ab Rasoolullah (sallallahu alaihi wa sallam) ke Kis Hukm per amal hoga.? To Yahan per Ijtihaad ki Zaroorat peish aayi. Ahnaaf ne Hazrat Imam Abu Haneefah (rahmatullahi alaih) ki taraf Ruq kiya Ye pata karne ke liye ke Rasoolullah (sallallahu alaihi wa sallam) ke In Ahkaam me se Kis Hukm per amal kiya Jaayega.?

To Imam Abu Haneefah (rahmatullahi alaih) ne farmaya hai ke 3 baar dhone wali Hadees per amal kiya Jaayega.

Pas Qur’an wa Hadees ki hi baat ko Kisi MUJTAHID ke zariye samajh kar Us per Amal karna hi Asal me TAQLEED hai.

Aur Hum Imam Abu Haneefah (rahmatullahi alaih) ki ANDHI TAQLEED bhi Nahi karte hain Isliye Hum Yahan Is masla’h me Imam Sahab (rah.) ke Mazhab ko Haqq saabit bhi Karenge. In sha’ Allah..

HAZRAT ABU HURAIRAH (raziallahu anhu) KA FATWA:

“Kutta bartan me munh daal de to 3 martaba dhona.” [Sunan DarQutni, Tahaavi]

Allamah Nemawi (Rah.) ne is Hadees ko naqal kar ke farmaya: Iski Sanad Saheeh hai. [Aasaar As-Sunan 1/12]

Isi tarah Shaykh Taqiuddin (rah.) ne Apni Kitab [Al-Imam] me Iski SANAD ko SAHEEH farmaya hai. [Ba-hawala Nasbur Raayah, Baab: Fusl Fil Aasaar wa Ghairiha]

Mukammal Hadees:

حَدَّثَنَا أَبُو بَكْرٍ قَالَ حَدَّثَنِى عَلِىُّ بْنُ حَرْبٍ حَدَّثَنَا أَسْبَاطُ بْنُ مُحَمَّدٍ. وَحَدَّثَنَا أَبُو بَكْرٍ النَّيْسَابُورِىُّ حَدَّثَنَا سَعْدَانُ بْنُ نَصْرٍ حَدَّثَنَا إِسْحَاقُ الأَزْرَقُ قَالاَ حَدَّثَنَا عَبْدُ الْمَلِكِ عَنْ عَطَاءٍ عَنْ أَبِى هُرَيْرَةَ قَالَ إِذَا وَلَغَ الْكَلْبُ فِى الإِنَاءِ فَأَهْرِقْهُ ثُمَّ اغْسِلْهُ ثَلاَثَ مَرَّاتٍ.

Muhaddis, Imam Tahavi Hanafi (rahimatullahi alaih) farmaate hain ke, “Abu Hurairah (raziallahu anhu) ka 3 baar dhone ka fatwa dena waazeh daleel hai ke Abu Hurairah (raz.) ki 7 dafa’ dhone waali Hadees mansooq hai kyonke Hum Abu Hurairah (raz.) se Husn-e-zan rakhte hain, Ye nahi ho sakta ke Abu Hurairah (raziallahu anhu), Rasoolullah (Sallallahu Alyhi Wa Sallam) se Kuch aur sunein aur phir fatwa Aap (Sallallahu Alyhi Wa Sallam) ke khilaaf dein. Is se to Aap (raziallahu anhu) ki Adaalat hi saaqit ho jayegi aur Sahabah (raziallahu anhum) sab ke sab Aadil hain.” [Tahavi 1/23]

TAABA’EEN (rahmatullahi alaihim) KE FATAAWAAT:

Makkah Mukarramah: ke Mufti Taaba’ee Hazrat Ata’ (rahimahullah) se jab kuttey ke jhoote bartan ka masla’ poocha gaya to Aap ne farmaya: “Maine ye sab suna hai: 7 martaba, 5 martaba aur 3 martaba.” [Musannaf Abdur Razzaaq 1/97]

عبد الرزاق عن ابن جريج قال : قلت لعطاء : كم يغسل الاناء الذي يلغ فيه الكلب ؟ قال : كل ذلك سمعت ، سبعا ، وخمسا ، وثلاث مرات.

Madinah Munawwarah: Mu’ammar Jo 7 aur 8 dafa dhone Wali Ahaadees ke raavi hain kehte hain ke, “Maine Imam Zuhri (rah.) se kuttey ke Jhoote bartan ka maslah poocha to Aap ne farmaaya: 3 martaba dhoya jaaye..” [Musannaf Abdur Razzaq 1/97]

عبد الرزاق عن معمر قال : سألت الزهري عن الكلب يلغ في الاناء قال : يغسل ثلاث مرات

Koofah: Imamul Aazam Fil Fuqaha’ Abi Haneefah (rahmatullahi alaih) bhi yehi fatwa dete hain ke bartan 3 martaba dhoya jaaye.

Us daur ke Sab se bade 3 MARAAKIZ-E-ISLAM ke 3 JALEEL-O-QADAR Taaba’een ke FATWE 3 baar dhone ke hain.

Hazrat Ata’ wa Zuhri (rahmatullahi alaihim) Jo ke Taaba’een KABEER me se hain aur Sath hi BUKHARI ke Raavi bhi hain, Kya In per bhi HADEES SE IQTILAAF ka Ilzaam lagega.?

Agar Hum maan bhi lein ke KOOFAH tak 7 Wali Hadees Nahi pohnchi thi, To phir Ye kaise maan lein ke TAABA’EEN ka daur aane ke ba’d bhi MAKKAH wa MADEENAH walon ko 7 wali Hadees Nahi pohnchi.? Kya Hadees BUKHARA ke liye Safar per Nikli thi.?

TAABA’EE KABEER KA QOUL AHNAAF KE NAZDEEK HUJJAT HAI:

“Jis Taaba’ee Kabeer ke fatwe Sahaba (Raziallahu anhum) ke zamaane me shaa’e the, Hamaare Nazdeek us Taaba’ee ka Qoul Hujjat hai, Jaisa ke Hamaare nazdeek Sahabi (Raziallahu anhu) ka Qoul Hujjat hai” [At-Tauzeeh 2/17, I’la As Sunan 19/132]

MASLA’H KI ASAL HAQEEQAT:

Rasoolullah (sallallaahu alyhi wa sallam) se kul 4 Ahkaam marwi hain Jo bazaahir muta’riz (Ya’ni ek doosre ke khilaaf) ma’loom hote hain aur Mazeid 2 Ahkaam me Izaafah maujood hai. Khud Rasoolullah (sallallahu alyhi wa sallam) se inke baare me Koi faislah marwi Nahi ke Konsa Hukm pehle ka hai aur Konsa ba’d ka, Aur Jo faislah Siraahtan Kitaab-O-Sunnat me maujood Na ho to Us me ba-Nus Hadees-e-Mu’az (raziallahu anhu) Mujtahid, Ijtihaad karega aur Muraad-e-Rasool (sallallahu alaihi wa sallam) ko pohanchne ki Koshish karega.

HIDAYAH KI MUKAMMAL IBAARAT:

“Aur Kuttey ka Jhoota Na-Paak hai aur Jis bartan me Kutta munh daal de usko 3 martaba dhoya jaaye kyonke Rasool (sallallahu alaihi wa sallam) ne farmaaya ke Kuttey ke Jhoote Bartan ko 3 martaba dho’O. Aur Kuttey ka munh paani ko laga tha Na ke bartan ko to Jab bartan Na-Paak ho gaya to Paani ba-darjah aula Na-Paak ho gaya. Ye daleel hai ke Kuttey ka Jhoota Na-paak hai aur Hadees Shareef me 3 martaba ka adad Imam Ash-Shafa’i (rah.) par Hujjat hai jo 7 martaba’h ko Shart qaraar dete hain. Kuttey ka Peishaab jahaan lag jaaye to (bil ittifaaq) 3 martaba dhone se paak ho Jaayega aur Jis Hadees me 7 martaba dhone ka Hukm hai wo Islam ke ibtidaayi (Pehle) daur se muta’lliq hai (Ya’ni 7 baar dhone wala Hukm ab Mansooq hai).” [Hidaayah 1/45]

Dekhiye..! Sahab-e-Hidayah ne Khud Ye Qoul Be-Daleel Nahi bayan kiya hai balke saaf saaf likha hai ke Hadees Shareef me aaye 3 martabah ka adad 7 martabah dhone wali Hadees per Hujjat hai, aur Is 7 martabah wali Hadees ka Jawaab bhi diya tha ke Ye Ibtidaayi daur ka Hukm tha kyonke Hazrat Abu Hurairah (raziallahu anhu) Iske khilaf 3 martaba Dhone ka Fatwa dete hain Jaisa ke ooper guzar chuka hai.

EK WAAZEH HADEES:

Ahaadees par Nazar rakhne wala Jaanta hai ke Islam ke ibtidaayi daur me Kutton ke baare me Ahkaam bohat saqt the. Unko maar daalne ka hukm tha Jaisa ke ooper Muslim Shareef ke hawaale se guzar chuka hai phir ba’d me Unse shikaar Kheilne aur Bakriyon ki Nigraani karne ke liye Kuttey rakhne ki Ijazat di gayi hai.

Phir Kuttey ke muta’llaq Ahkaam Narm ho gaye Isliye wo MASAAJID me aaya Jaaya karte the Aur Sahaba-e-Kiraam (raziallahu anhum) Us Jagah Paani Nahi Chhirakte the.

Ibn-e-Umar (raz.) rivayat karte hain ke, Rasoolullah (sallallahu alaihi wa sallam) ke Zamaane me KUTTEY, MASJID me aate jaate the Lekin Log In Jagahon per Pani Nahi chhirakte the. [Bukhari]

IMAGE LINK: http://i.minus.com/ibvAVBzsl4BP0R.jpg

Aur [Abu Dawood] ki rivayat me aaya hai ke..

Hazrat Ibn-e-Umar (raziallahu anhu) se rivayat hai ke, "Main Rasoolullah (sallallahu alaihi wa sallam) ke Zamaane me Raat ko Masjid me raha karta tha aur Main Jawaan aur Kunwara tha aur Kuttey bhi Masjid me aate Jaate the aur Peishaab kar dete the aur Peishab ki wajah se Us per (Zameen per) Paani Na bahaate the." [Abu Dawood Kitab: At-Tahaarah; Baab: Zameen Khushk ho Jaane ke ba'd PAAK ho Jati hai]

IMAGE LINK: http://i.minus.com/iOeCLziTIBT1w.jpg

Imam Bukhari (rah.) ne Apni SAHEEH me Ek Baab bandha hai. KUTTEY KE JHOOTE AUR USKE MASJID ME GUZARNE KA BAAB

Phir iske ba'd Imam Zuhri (rah.) ka Ek FATWA Naqal kiya hai ke, Imam Zuhri (rahmatullahi alaih) farmaate hain: "Jab KUTTAH Kisi BARTAN me Munh Daal de aur Iske Alaawah Wuzoo' ke liye aur Paani Na ho to Is Paani se (Jisme Kuttey ne Munh daala) Wuzoo' kiya Ja sakta hai."

IMAGE LINK: http://i.minus.com/ibzqPG7sXyzX84.jpg


Is maqaam par Hafiz Ibne Hajar (rah.) farmate hain: "Musannif (Ya’ni Imam Bukhari) ke Tasarruf se Ye Zaahir hai ke Wo Kuttey ke Jhoote ko PAAK Kehte hain." [Dekhiye Fathul Baari Sharah Saheeh Bukhari]

وَالظَّاهِر مِنْ تَصَرُّف الْمُصَنِّف أَنَّهُ يَقُول بِطَهَارَتِهِ

Imam Bukhari (rah.) ne phir Ye Hadees bhi naqal ki hai ke..

Hazrat Abu Hurairah (raziallahu anhu), Rasoolullah (sallallahu alaihi wa sallam) se rivayat karte hain ke, Aap ne farmaya: Ek shaqs ne ek kutta dekha Jo Pyaas ki wajah se Geeli Mitti kha raha tha to, Us Shaqs ne Apna Mozah liya aur Us se (us Kutte ke liye Pani bharne laga hatta ke Usko Sairaab kar diya, Allah ne Us Shaqs ko Is Fa’l ka Ajar diya aur Usey JANNAT me Daakhil kar diya…………. Ibn-e-Umar (raz.) rivayat karte hain ke, Rasoolullah (sallallahu alaihi wa sallam) ke Zamaane me KUTTEY, MASJID me aate jaate the Lekin Log In Jagahon per Pani Nahi chhirakte the.

IMAGE LINK: http://i.minus.com/ibvAVBzsl4BP0R.jpg

Is hadees ke tehat Ibne Hajar (rah.) likhte hain:

Musannif (Imam Bukhari (rah.)) ne Is Hadees se Kutte ke Jhoote ki Paaki par Istedlaal kiya hai. [Fathul Baari]

اِسْتَدَلَّ بِهِ الْمُصَنِّف عَلَى طَهَارَة سُؤْر الْكَلْب

Shayad Yehi wajah thi ke Ghair-Muqallid, Allamah Waheeduz Zamaa’n ne KUTTEY ke JHOOTE ko Raajeh Qoul me PAAK qaraar diya hai. (Wallaahu Aalam)

EK AUR DHOKA:

La-Mazhab, Ghair Muqallideen (Naam Nihaad) Firqa Ahle Hadees me Shaamil Ulema’ wa Juhala’ apni Bad-Diyaanaton ko chhupaane ke liye Jaldi se keh diya karte hain ke 7 waali Hadees SAHEEH hai aur 3 waali Hadees ZA’EEF hai. Hum unsey poochhte hain ke 7 waali Hadees ko Saheeh aur 3 waali ko Za’eef Rasool (Sallallahu Alyhi Wa Sallam) ne kaha hai ya Kisi Ummati ne.? Agar Nabi (Sallallahu Alyhi Wa Sallam) ne kaha hai to Hadees peish karo. Agar Ummati ne kaha hai to Ummati ki Taqleed Aap ke Naam ke Mazhab me SHIRK hai.

TAQLEED KI TA’REEF:

Hakeem Sahab! Ne Apni Isi Kitab [Sabeelur Rasool (sallallahu alaihi wa sallam)] me Ummatiyon ke Aqwaal Naqal kar keTAQLEED ki TA’REEF ka Jo Naqsha’ Kheincha hai Wo Ye hai ke, “Kisi Ghair Nabi (Ummati) ka Qoul Qur’an wa Hadees se bina Daleel ke maanna Taqleed hai.”

Ya’ni HAKEEM SAHAB ne TAQLEED karte hue TAQLEED ki Ta’reef bhi kar daali. Kyonke Ye Ta’reef bhi Ummati ka Qoul hi to hai.

NOTE: Ahnaaf ke haan Taqleed ki ye Ta’reef ghalat hai lekin Ghair Muqallideen dhoka dene ke liye yehi Ta’reef logon ko bataate hain.

Kisi Hadees ko Saheeh ya Za’eef kehne wala Muhaddis wa Muhaqqiq, Ghair Nabi (Ummati) hi hai Na ke iski Koi Daleel Qur’an wa Ahaadees me maujood hai. Isliye ye TAQLEED hi me shumaar hai.

Phir Doosra sawaal ye hai ke 3 baar dhone wali Hadees ko Za’eef kehne wala Wo Ummati, Khairul Quroon ka Mujtahid hai ya ba’d Khair-al-Quroon ka Ghair-Mujtahid?? To Hum Khair Al-Quroon ke Mujtahid Imam Abi Haneefah (Rah.) ke muqaable me Khair Al-Quroon ke ba’d aane wale kisi Ghair-Mujtahid ki baat Tasleem Nahi karte kyonke Khair Al-Quroon ki KHAIRYAT Hadees-e-Saheeh se saabit hai. Aur Imam Abu Haneefah (rahmatullahi alaih) ka Qoul bhi Mash’hoor hai ke, SAHEEH HADEES hi Mera MAZHAB hai. To Ye Nahi ho sakta ke Wo SAHEEH HADEES ko Chhor kar ZA’EEF HADEES per amal karein.

IMAAM ABU HANEEFAH (rahmatullahi alaih) KE AQWAAL:

Hazrat Imam Abu Haneefah (rahmatullahi alaih) ka Irshaad Naqal hai: “Jo Cheez Rasoolullah (sallallahu alaihi wa sallam) se Hum tak pohnche, Mere Maa-Baap Aap (sallallahu alaihi wa sallam) per Qurbaan ho, Wo Sar Aankhon per, Aur Jo baat Sahaba-e-Kiraam (raziallahu anhum) se manqool ho Us me se Hum Ek Qoul ko Iqtiyaar karte hain (Ya’ni Sahaba (raz.) ke darmyan Iqtilaf ki Soorat me Kisi Ek Sahabi ka Qoul Iqtiyar karte hain). Aur Jo Cheez Taaba’een (rah.) se manqool ho to Wo bhi Hum Jaise Aadmi hain, Kyonke Imam Sahab bhi Taaba’ee hain.”

Aur ek rivayat me hai ke: “Main Sab se Pehle Allah ki Kitab ko leta hoon, Pas Isme Agar Masla’h Na mile to Rasoolullah (sallallahu alaihi wa sallam) ki SUNNAT ko leta hoon, aur Un Aasaar-e-Saheehah per amal karta hoon Jo SIQAH Raaviyon ki rivayat se Shaa’e Zaa’e hain. Agar SUNNAT NABAWI (sallallahu alaihi wa sallam) me bhi Masla’h Na mile to Sahaba-e-Kiraam (raz.) ke Aqwaal me se Kisi Ek Qoul ko leta hoon. Lekin Jab Mu’aamlah Ibraheem, Shu’bi, Hasan aur Ata’ (Taaba’een) tak pohnche to Main Khud IJTIHAAD karta hoon Jaisa ke In Hazraat Taaba’een ne Ijtihaad kiya.” [Manaaqib Imam Al-Aazam Abu Haneefah (rahmatullahi alaih); Lil Imam Zehbi (rah.) pg no. 20]

ABDUL MALIK BIN SULEIMAN PER JARAH:

Ghair-Muqallideen ne 3 baar dhone wali Ahaadees me Ek Raavi Abdul Malik bin Abi Suleiman per Jarah Naqal ki hai ke Wo SIQAH (Sachche) Raavi hain per Unko Weham ho Jata hai. Waise to Ye JARAH Koi JARAH hai hi Nahi Jab tak Weham Saabit Na kiya Jaaye. Agar Hum maan bhi lein to Ghair-Muqallideen ke Usool ke Tehat In ki TA’DEEL karne walon ki Te’daad Zyadah hai, isliye wo HASAN Darjah ke Raavi shumaar honge.

Is rivayat me Abdul Malik ko Weham hua hai Ye Ghair-Muqallideen ko saabit karna chaahiye aur Jab tak wo Ye saabit Nahi karenge Is Hadees ko ZA’EEF kehne ka Koi HAQQ Nahi hai. Sirf Ahtemaal (possibility) se HADEES Za’eef Nahi tehraayi Jaayegi.

Abdul Malik se Jitne bhi Logon ne rivayat ki hai Wo Tamaam Raavi Inse 3 baar dhona hi rivayat karte hain aur Hazrat Ata’ (rah.) Jinse Abdul Malik ne rivayat ki hai Unke Haan 3, 5 aur 7 sabhi Saabit hain Jaisa ke ooper Inke Fatwe me guzar chukka hai to Abdul Malik ko Is rivayat me Weham hua hai Kehna JIHAALAT ke siva aur Kuch Nahi hai.

TAQWA AUR ULEMA-E-DEOBAND:

Chounke Is masla’h me Iqtilaaf paaya Jaata hai to Ulema-e-Deoband ka MASLAK-E-AITEDAAL bhi ma’loom kar liya Jaaye. To Hum kehte hain ke Rasoolullah (sallallahu alaihi wa sallam) ne 3 baar Dhone ka Hukm WUJOOB ke liye diya hai aur 7 baar Ya 8 baar ka Hukm ISTEHAAB (recommendation) ke liye diya hai. Aur 3 baar se Kam dhona Hamaare Nazdeek Jayez Nahi.

Chunacha Ashraf Ali Thanvi (rahmatullahi alaih) farmate hain: “Kuttey ka Jhoota NAJAS hai. Agar Kisi Bartan me munh daal de to 3 Martabah Dhone se PAAK ho Jaawega. Chaahe Mitti ka Bartan ho chaahe Taanbe waghera ka. Dhone se sab PAAK ho jata hai. Lekin Behter ye hai ke 7 martabah dho de aur 1 Martabah MITTI laga kar Maanjh bhi dale ke Khoob SAAF ho Jaawe.” [Behishti Zewar 1/70, Janwaron ke Jhoote ka Bayaan Masla’ 2]

Is tarah se Hanafi-Deobandiyon ka Apne Mazhab per bhi Amal ho Jata hai Aur Jo Fro’i Iqtilaaf hai Ye bhi Kaafi Hadd tak Khatm ho gaya hai. Humein Yehi Taqwa wala Raasta Apnana Chaahiye aur Isi me Is UMMAT ki Bhalaai hai warna Ye Ummat to Toot kar Bikhar Jaayegi. Aur Ahnaaf ka Mazhab bhi Yehi Ta’leem deta hai ke BEHTARI per amal karo, aur Hum 7 ya 8 baar ko BEHTER samajhte hue Isi per amal karte hain. Alhamdulillah.

Lekin Ghair-Muqallideen, Bas Apne Naam ke Mazhab ke Prachaar ke Liye Logon me GHALAT-FAHMIYAA’N phaila rahe hain. Ye Log AHNAAF se Aisi DUSHMANI karte hain ke Jaise Koi KAAFIR ek MUSALMAN se Karta hai. Inko Shia’, Qadyanio waghera se to Koi Baer Hargiz Nahi hai.

Allah Ta’la se dua hai ke Is Ummat ko Aise Logon ke Sharr se Mehfooz farmaye. Aur Jo Hidayat per hain Unko Hidayat per Qaayem rakhe aur Jo Gumraah hain Unhein Hidayat se Nawaaze. Ameen Summa Ameen.

 

Other Menu

Latest Articles

Who's Online

We have 261 guests online

Statistics

Members : 6
Content : 1066
Content View Hits : 4420830

Get Latest Feed

Enter you email address to get in touch with latest updates

یہاں اپنا ای میل ایڈریس رجسٹر کروائیں اور ویب سائٹ کی تازہ اپ ڈیٹس سے باخبر رہیں

Most Read Articles

  1. مولانا اسماعیل محمدی
  2. فضائل اعمال
  3. مولانا محمد امین صفدر اوکاڑوی
  4. نفس کے پجاری - غیر مقلدین
  5. جنت البقیع میں مدفون علمائے دیوبند
  6. طاہر القادری رنگے ہاتھوں پکڑا گیا۔!! ضرور دیکھیں
  7. انٹرنیٹ کی کارستانیاں (ایک بدنصیب لڑکی کی داستان
  8. شیعہ مذہب کی ابتداء ۔۔۔ اور ان کا فرقوں میں بٹنا
  9. مولانا حق نواز جھنگوی ۔ آڈیو بیانات
  10. انگریز کا الاٹ کردہ لقب اہلحدیث واپس کرتے ہیں
  11. فتنہ ڈاکٹر ذاکر نائیک
  12. Mufti Manzoor Mengal
  13. مناظرہ کوہاٹ کی ویڈیوز
  14. مولانا ضیا ء الرحمن فاروقی ۔ آڈیو بیانات
  15. جوشخص شیعہ کے کفر میں توقف کرے تو وہ بھی ان جیسا کافر ہے۔
  16. ترک رفع الیدین والی حدیث کو کن کن محدثین نے صحیح قرار
  17. Shaikh Saad Al Ghamedi
  18. مناظرہ ترک رفع الیدین - محمد امین اوکاڑوی
  19. Ameer Shariat Syed Attaullah Shah Bukhari
  20. شیعوں کا عقیدہ ان کی کتابوں سے
  21. مصنف ابن ابی شیبہ کی ناف کےنیچےہاتھ باندھنےوالی روایت کی تحقیق
  22. تاریخی حولات جات۔ شیعہ کافر
  23. بیکاٹ فیس بک
  24. خاتم الانبیاء کا طریقہ نماز
  25. درس حدیث دارالعلوم دیوبند
  26. Maulana Ilyas Ghuman - Audio bayanat
  27. غیر مقلدین کے سوالوں کے جوابات
  28. بریلویت قصور۔ مولانا الیاس گھمن
  29. ام المومنین سیدہ عائشہ صدیقہ رضی اللہ عنہا
  30. اهل حدیث کے چهہ نمبر
  31. ALLAH EXISTS WITHOUT A PLACE
  32. The Blindest Following
  33. سلفی کون؟ حنفی یا غیرمقلد؟
  34. سنی مسلمان شیعہ کی تکفیر کیوں کرتے ہیں؟
  35. میں کیوں حنفی ہوا؟

Share you Idea

تمام حضرات سے گذارش ہے کہ سائیٹ کو ایکسپلور کرتے ہوئے اگر آپ کو کوئی خرابی نظر آئے یا اپ سائیٹ کی بہتری کیلئے کوئی مشورہ دینا چاہیں تو کنٹیکٹ اس کے پیج پر جا کر ہمیں ضرور مطلع فرمائیں

 

Ownislam:

This Website is dedicated to our beloved Prophet Muhammad (PBUH). In this website you will get the correct information regarding Islam in the light Holy Quran and the Authentic Hadith. It's time to understand and practice Islam properly so that we can spread the message and teachings of deen. Our zeal is to bring people back to real Jama'at of our Nabi Muhammad PBUH and Sahabas R.A.

We Would Like You To

Join .... Invite ... Share